የመምህራን ትምህርት ኮሌጅ የኢንስፔክሽን ስታንዳርዶች ማዕቀፍና ቼክሊስት አስተያት አየተሰጠበት ነው

የመምህራን ትምህርት ኮሌጅ የኢንስፔክሽን ስታንዳርዶች ማዕቀፍና ቼክሊስት አስተያት አየተሰጠበት ነው

 

28 - 2ኢንስፔክሽን

የአጠቃላይ ትምህርት ኢንስፔክሽን ዳይሬክቶሬት ያዘጋጀውን የመምህራን ትምህርት ኮሌጅ የኢንስፔክሽን ስታንዳርዶች ማዕቀፍና ቼክሊስት እያስተቸ ነው፡፡

የአጠቃላይ ትምህርት ኢንስፔክሽን ዳይሬክቶሬት ያዘጋጀውን የመምህራን ማሰልጠኛ ኮሌጅ የኢንስፔክሽን ስታንዳርዶች ማዕቀፍና ቼክሊስት በቢሾፍቱ ከተማ ሮዝመሪ

ሆቴል ከሁሉም ክልሎች በተውጣጡ የአጠቃላይ ትምህርት ኢንስፔክሽን የስራ ሂደት ሃላፊዎችና በሁሉም ክልሎችና ከተማ መስተዳድሮች ከሚገኙ የመምህራን ማሰልጠኛ ኮሌጆች በተውጣጡ የሚመለከታቸው አካላት እያስተቸ ይገኛል፡፡

በአጠቃላይ ትምህርት ኢንስፔክሽን ዳይሬክቶሬት ከፍተኛ የመረጃና ትንተና ባለሙያ አቶ አላምረው አክሊሉ የምክክር ዓውደ ጥናቱን አስመልክተው እንደተናገሩት ዳይሬክቶሬታቸው ለትምህርት ጥራት መሻሻል የሚረዱ የተለያዩ የኢንስፔክሽን ስታንዳርዶችን እና ማዕቀፎችን ሲያዘጋጅ መቆየቱን ገልፀዋል፡፡

በሀገር አቀፍ ደረጃ ሊያሰራ የሚችል፣ ወጥነት ያለውና ለትምህርት ጥራት መሻሻል አስተዋፅኦ ሊያበረክት የሚችል የኢንስፔክሽን ስታንዳርድ ባለመኖሩ በሀገሪቱ የሚገኙ የመምህራን ትምህርት ኮሌጆች የተለያዩ መለኪያዎችን ሲጠቀሙ መቆየታቸውን የገለፁት አቶ አላምረው ይህን ችግር ለመቅረፍ የሚያስችል የኢንስፔክሽን ማዕቀፍ ረቂቅ መዘጋጀቱን ገልፀዋል፡፡

ሀገር አቀፍ የመምህራን ትምህርት ኮሌጆች የኢንስፔክሽን ማዕቀፍ መዘጋጀቱ በኮሌጆቹ ውስጥ የኢንስፔክሽን ስርዓት ለመዘርጋት እንደሚያስችልም አቶ አላምረው ተናግረዋል፡፡

የተዘጋጀውን ረቂቅ ሰነድ መተቸት፣ማሻሻልና የሰነዱን ተገቢነት ማረጋገጥ ከምክክር ዓውደ ጥናቱ ተሳታፊዎች እንደሚጠበቅ የገለፁት አቶ አላምረው በመጨረሻም የዳበረ ፣ወጥነት ያለውና በመላው ሃገሪቱ ለሚገኙ የመምህራን ትምህርት ኮሌጆች የሚያገለግል የኢንስፔክሽን ማዕቀፍና ቼክሊስት ይጠበቃል ብለዋል ፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡