"አንድም ህፃን ከትምህርት ገበታ ውጪ እይሆንም"

"አንድም ህፃን ከትምህርት ገበታ ውጪ እይሆንም"

 

የአጠቃላይ ትምህርት ዘርፍ 2008 . የዘጠኝ ወራት የእቅድ አፈፃፀም የጋራ ግምገማ በጅግጅጋ ከተማ ቀርያን ዶደን መታሰቢያ አዳራሽ በድምቀት ተካሂዷል፡፡ የግምገማ መድረኩ በዋናነት በትምህርትና ቴክኖሎጂ ልማት ሠራዊት ግንባታ፣የክልላዊና ብሔራዊ ፈተናዎች ቅድመ ዝግጅት፣የመምህራን የደመወዝ እድገትና የመኖሪያ ቤት እንዲሁም የኑሮ ሁኔታ ለማሻሻል የተሰሩ ስራዎች፣መጠነ መድገማና ማቋረጥን ለማስቀረት የተሰሩ ስራዎች እንዲሁም በዓመቱ ሊከናወኑ በታቀዱ ሌሎች ተግባራት ላይ እንደሚያተኩር ተገልጿል፡፡

በጋምቤላ ክልል በቅርቡ ከደቡብ ሱዳን በመጡ ታጣቂዎች ለተገደሉትና በሶማሌ ክልል በተከሰተ የጎርፍ አደጋ ህይወታቸውን ላጡ ወገኖች የአንድ ደቂቃ የህሊና ፀሎት በማድረግ የተጀመረውን የግምገማ መድረክ በንግግር የከፈቱት የትምህርት ሚኒስቴር ሚኒስትር አቶ ሽፈራው ሽጉጤ ባስተላለፉት መልዕክት መድረኩ የተዘጋጀው በዓመቱ የታቀዱ የትምህርት ግቦች ያሉበትን ሁኔታ ለመፈተሽ መሆኑን ተናግረዋል፡፡ በተለይም የትምህርትና የቴክኖሎጂ ሠራዊት በመገንባት የትምህርት ግቦችን በማሳካት የትምህርት ጥራትን ለማረጋገጥ የተሰሩ ስራዎችና የተመዘገቡ ስኬቶች መገምገም የመድረኩ ተልዕኮ መሆኑንም አቶ ሽፈራው ተናግረዋል፡፡ መጠነ መድገምና መጠነ ማቋረጥን በህዝብ ክንፍ በመታገዝ ለማስቀረት የያዝናቸውን ግቦች በተመለከተ ያደረግናቸውን እንቅስቃሴዎችና የደረስንበትን ደረጃ እንገመግማለን ብለዋል፡፡

‹‹አንድም ህፃን ከትምህርት ገበታ ውጪ እንዳይሆን እናደርጋለን›› በሚል የገባነውን ቃል ከግብ ለማድረስ ያከናወንናቸውን ተግባራት እንዲሁም የትምህርት ጥራት ግብዓቶችን በተደራጀ የሠራዊት እንቅስቃሴ ለማረጋገጥ የተሰሩ ስራዎች በጥልቀት እንደሚፈተሹም አቶ ሽፈራው ተናግረዋል፡፡ በቅርቡ የሚሰጡትን ብሔራዊና ክልላዊ ፈተናዎች ዝግጅትበተመለከተም የትምህርት ጥራትን የሚገዳደር ፈተና ኩረጃን ማስቀረት በሚቻልበት ሁኔታ ላይ ውይይት እንደሚደረግም ነው ሚኒስትሩ የተናገሩት፡፡

ባለፉት ጥቂት ወራት በኦሮሚያና በአማራ ክልሎች አንዳንድ አካባቢዎች ተከስቶ በነበረው አለመረጋጋት ምክንያት ትምህርት ላቋረጡ ተማሪዎች የማካካሻ ትምህርት በመስጠት ድጋሚ 10 እና 12 ክፍል ብሔራዊና ክልላዊ ፈተናዎች የምንሰጥ መሆኑን በዚህ አጋጣሚ ለተማሪዎች፣ወላጆችና መምህራን ማሳወቅ እንፈልጋለን ብለዋል፡፡ የመምህራንን የመኖሪያ ቤትና የኑሮ ሁኔታ ለማሻሻል የሚያስችል የደመወዝና የመኖሪያ ቤትአቅርቦት በተመለከተ ጥናቶች ተጠናቅቀው ለፌዴራልና ለክልል መንግስታት የተላለፈ መሆኑን የጠቆሙት ሚኒስትሩ ያለበትን ደረጃ በመድረኩ በመገምገም በሚቀጥሉት ጊዜያት የበለጠ ውጤታማ ለማድረግ መታሰቡንም አስታውቀዋል፡፡

የሶማሌ ብሔራዊ ክልላዊ መንግስት ርዕሰ መስተዳድር አብዲ መሀመድ ኡመር በበኩላቸው በህዝቦች መስዋዕትነት የክልሉ ህዝብ መብቱን ቢጎናፀፍም በክልሉ የነበሩ አንዳንድ ፀረ ሰላም ሃይሎች ሲፈጥሩት በነበረው ችግር ምክንያት የልማት ተጠቃሚ ሳይሆን መቆየቱን አውስተው ባሁኑ ወቅት ክልሉና የፌዴራሉ መንግስት በመተባበር ባደረጉት ጥረት በክልሉ አስተማማኝ ሰላም በመስፈኑ ህዝቡ ፊቱን ወደ ልማት ማዞር ችሏል ብለዋል፡፡  የክልሉ መንግስት በተለይም ባለፉት ስድስት ዓመታት በትምህርት፣በጤና፣በውሀ፣ በመንገድ ግንባታና ሌሎች መሠረተ ልማቶች ባከናወናቸው ተግባራት የክልሉ ህዝብ የሰላም የልማት ተጠቃሚ መሆን መቻሉንም ነው ርዕሰ መስተዳድሩ የተናገሩት፡፡ ክልሉ 2008 . የትምህርት ጥራትን ለማሳደግ የሚያስችሉ መፃህፍት አሳትሞ የማሰራጨት ፣መማሪያ ክፍሎችና ሌሎች ግብዓቶች የማሟላት ስራ መሰራቱንም አቶ አብዲ አስታውቀዋል፡፡

መድረኩ በሁሉም ክልሎችና ሁለት መስተዳድሮች ባለፉት ዘጠኝ ወራት የተከናወኑ ተግባራትን የሚያሳይ ሪፖርት በማዳመጥ ውይይት እንደሚያካሂድ ከወጣው መርሃ ግብር ለመረዳት ተችሏል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡