ሃያ ሶስት ሺ አምስት መቶ ሰባ አንድ መምህራንና የትምህርት አመራር አካላት እየሰለጠኑ ነው

ሃያ ሶስት ሺ አምስት መቶ ሰባ አንድ መምህራንና የትምህርት አመራር አካላት እየሰለጠኑ ነው

 

8 - Training 23000 teachers and leaders Pic 2

በሃገር አቀፍ ደረጃ የትምህርት ጥራትን ለማረጋገጥና በየትምህርት እርከኑ ብቁ የሆኑ መምህራንና የትምህርት አመራር አካላትን ለማፍራት በተያዘው ዕቅድ በስራ ላይ ስልጠናና በቅድመ ስራ ስልጠና አቅማቸውን እያጎለበተ ነው፡፡

በሚኒስቴር መስሪያ ቤቱ የመምህራንና ትምህርት አመራር ልማት ዳይሬክተር / አበበች ነጋሽ 2008 በጀት አመት የስድስት ወራት እቅድ ክንውን ግምገማ መድረክ ላይ እንደገለፁት ብቁ የሆኑና ለየትምህርት እርከኑ የሚመጥኑ መምህራንና አመራር አካላትን በማፍራት በትምህርት ቤቶች እንዲመደቡ ለማድረግ በበጀት አመቱ በተደረገው ጥረት ሃያ ሶስት አምስት መቶ ሰባ አንድ መምህራንና የትምህርት አመራር አካላትን ከሰርተፊኬት ወደ ዲፕሎማ ከዲፕሎማ ወደ ዲግሪና ከዲግሪ ወደ ሁለተኛ ዲግሪ የትምህርት ደረጃቸውን ለማሻሻል 2007 . በክረምት እና 2008 . በበጋ ወራት እየሰለጠኑ እንደሚገኙ አስታውቀዋል፡፡

የመምህራንና የአመራሩን አቅም ለማጎልበት ስርዓተ ትምህርት እንዲሁም ሞጁሎች ተዘጋጅተው እየሰለጡ ቢሆንም አሰለጣጠኑን በመፈተሸ ተግዳሮቶች ካሉ መፍትሄ ለመስጠትና የአሰለጣጠን ስርዓቱን ለመከለስ እንዲቻል በሃገር አቀፍ ደረጃ ሶስት ቡድን ተቋቁሞ ጥናት እየተካሄደ እንደሚገኝ / አበበች ገልጸዋል፡፡

ከሃያ አመታት በፊት ትኩረት ያልተሰጠው የቅድመ መደበኛ ትምህርት በአሁኑ ወቅት ትኩረት ተደርጎ እየተሰራ መሆኑን የጠቆሙት ዳይሬክተሯ የቅድመ መደበኛ ትምህርት መምህራንን ከሰርተፊኬት ወደ ዲፕሎማ ደረጃቸውን ለማሻሻል የቅድመ መደበኛ የዲፕሎማ ስርዓተ ትምህርት ተዘጋጅቶ ስልጠና የሚሰጡ ኮሌጆች እየተጠቀሙበት እንደሆነ ተናግረዋል፡፡

ከመልካም አስተዳደር ችግሮች ጋር በተያያዘ በሃገር አቀፍ ደረጃ 2 746 ቅሬታዎች ለአብነት የመምህራን ዝውውር፣ የደረጃ እድገት፣ የአመራር ክህሎት፣ በየደረጃው የአፈፃፀም ችግሮች መኖራቸው ቀርበው 2 615 ምላሽ የተሰጠ ሲሆን ቀሪዎቹ በመመሪያ መሰረት የሚፈቱ መሆኑን / አበበች ገልፀዋል፡፡

የመምህራን የመኖሪያ ቤትና የደመወዝ ጥያቄዎች በተለያዩ ጊዜያት የቀረቡ ሲሆን ምላሽ ለመስጠት ሰፊ ጥናት ተካሂዶ በየደረጃው ባለ አመራር እየታየ መሆኑን አስታውቀዋል፡፡

በክልሎች የመልካም አስተዳደር ችግሮች የነበሩ ሲሆን አሁን እየተፈቱ ያሉበት ሁኔታ መኖሩን የገለፁት ዳይሬክተሯ በቀጣይ የትምህርት አመራር አካላት አፈፃፀማቸው ተገምግሞ ብቃት ከሌላቸው ከአመራርነታቸው ተነስተው በሚመጥናቸው ቦታ ተመድበው እንዲሰሩ የሚያስችል ስርዓት ለመፍጠር የአፈፃፀም መመሪያ የተዘጋጀ መሆኑንም / አበበች ገልፀዋል፡፡

ሴቶችን ወደ አመራርነት ለማምጣት 50 በመቶ ለመፈፀም ግብ የተጣለ ቢሆንም አፈፃፀሙ 19 በመቶ ብቻ በመሆኑ በቀጣይ ውጤታማ ለማድረግ ትኩረት ሰጥቶ መስራት እንደሚገባ በመግለፅ 2008 በጀት ዓመት 2ኛው የዕድገትና ትራንስፎርሜሽን እቅድ 25 በመቶው የሚፈፀምበት በመሆኑ ክልሎች የመምህራንና የትምህርት አመራር ልማት ተግባርን በተያዘለት ጊዜ እንዲያጠናቅቁ ዳይሬክተሯ አስገንዝበዋል፡፡

በቀጣይ የሁለተኛ ደረጃ ትምህርት ቤት መምህራን ስልጠና መርሃ ግብር በመፈተሸ ማሻሻል፣ ሴቶችን በሁለተኛ ደረጃ ትምህርት ቤት መምህርነትና በየደረጃ ባሉ እርከኖች የአመራርነት ተሳትፏቸውን ማሳደግ፣ የሥራ ላይ ሙያ ማሻሻያ መርሃ ግብር አተገባበርን ማጠናከር ላይ ትኩረት ተደርጎ እንደሚሰራ / አበበች አስታውቀዋል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡