የአጠቃላይ ትምህርት ኢንስፔክሽን ዳይሬክቶሬት የስድስት ወራት ዕቅድ አፈፃፀሙን ገመገመ

የአጠቃላይ ትምህርት ኢንስፔክሽን ዳይሬክቶሬት የስድስት ወራት ዕቅድ አፈፃፀሙን ገመገመ

የአጠቃላይ ትምህርት ኢንስፔክሽን ዳይሬክቶሬት 2008 . የስድስት ወራት የቁልፍና የአብይ ተግባር አፈፃፀም የግምገማ መድረክ ከክልሎችና  ህዝብ ክንፎች ጋር ከጥር 16-19/2008 አካሂዷል፡፡Inspection Director_Ato Asfaw

የአጠቃላይ ትምህርት ኢንስፔክሽን ዳይሬክተር አቶ አስፋው መኮንን የእቅድ አፈፃጸሙን አስመልክተው እንደተናገሩት በመላው ሃገሪቱ ከሚገኙ ትምህርት ቤቶች መካከል 40 በመቶ በሚሆኑት ላይ የኢንስፔክሽን ስራ ለማከናወን መታቀዱን ጠቁመው  የክልሎች የአፈጻጸም ደረጃ የተለያየ ቢሆንም በሚቀጥሉት ስድስት ወራት ዕቅዱን ሙሉ በሙሉ ለማሳካት እየተሰራ መሆኑን ተናግረዋል፡፡

የባለሙያ እጥረት፣ በክልሎች በኩል ለስራው በቂ በጀት አለመመደብ እንዲሁም የባለሙያ ፍልሰትና የመሳሰሉት ችግሮች በኢንስፔክሽን ስራው ላይ ጫና መፍጠራቸውን የጠቆሙት አቶ አስፋው በቀጣይ ችግሮቹን ለመቅረፍ ትምህርት ሚኒስቴር ከክልል ትምህርት ቢሮዎች ጋር በጋራ እንደሚሰራም አስታውቀዋል፡፡

ባለፉት ስድስት ወራት የትምህርትና ስልጠና ስርዓት ውጤታማነትን ለማሻሻል የሚያግዙ ስልጠናዎች መሰጠታቸውን የገለፁት ዳይሬክተሩ ከአራቱ ታዳጊ ክልሎች ለተውጣጡ 70 ወንድና ሴት እንዲሁም ከሁሉም ክልሎች ለተውጣጡ 95 ሰልጣኞች እና 20 የኢንስፔክሽን፣ የመረጃና የትንተና ባለሙያዎች በአጠቃላይ ትምህርት ኢንስፔክሽን መመሪያ፣ ማዕቀፍና የአንደኛና ሁለተኛ ደረጃ ትምህርት ቤቶች ግለ ግምገማ ማዕቀፍ ዙሪያ ያተኮረ  ስልጠና መሰጠቱንም አቶ አስፋው ገልጸዋል፡፡

የአጠቃላይ ትምህርት ኢንስፔክሽን የትምህርት ቤት አካባቢ፣ የትምህርት ቤት አመራርና አስተዳደር፣ መማር ማስተማር፣ ከወላጆችና ከህብረተሰቡ ጋር ያለ ግንኙነት እና የተማሪዎች ውጤትን መሠረት ያደረገ ሲሆን ባሁኑ ወቅት 26 ስታንዳርዶች መሰረት በሁሉም ክልሎችና ከተማ መስተዳደሮች በሚገኙ የተመረጡ ትምህርት ቤቶች ላይ የኢንስፔክሽን ስራ በመካሄድ ላይ እንደሚገኝም ከአቶ አስፋው ገለጻ ለመረዳት ተችሏል፡፡

የአጠቃላይ ትምህርት የኢንስፔክሽን ዳይሬክቶሬት በሀገሪቱ የሚሰጠውን የቅድመ መደበኛ፣ አማራጭ መሰረታዊ ትምህርት፣ የመጀመሪያና ሁለተኛ ደረጃ ትምህርት በተጨማሪም የተግባር ተኮር ጎልማሶች ትምህርት እና የመምህራን ማሰልጠኛ ተቋማትን ጥራት የማስጠበቅ ኃላፊነት ከተሰጣቸው የስራ ክፍሎች መካከል አንዱ ነው፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡