የተቀናጀ የትምህርት ቤት የጤናና የምገባ ፕሮግራም የትምህርት ጥራትን ለማስጠበቅ የገዘፈ ሚና አለው

የተቀናጀ የትምህርት ቤት የጤናና የምገባ ፕሮግራም የትምህርት ጥራትን ለማስጠበቅ የገዘፈ ሚና አለው

የተቀናጀ የትምህርት ቤት የጤናና የምገባ ፕሮግራም ተማሪዎች በተለይም በመጀመሪያ ደረጃ የሚማሩ ህፃናት በምግብ እጥረትና በተለያዩ በሽታዎች ምክንያት ትምህርታቸውን እንዳያቋርጡ ከማድረጉም ባሻገር በክፍል ውስጥ ትምህርታቸውን በንቃትና በትኩረት እንዲከታተሉ በማድረግ የትምህርት ጥራትን ለማስጠበቅ የገዘፈ ሚና አለው፡፡

በዚህም መነሻነት የኢፌዴሪ /ሚኒስቴር ፖርነትነርሽፕ ፎር ቻይልድ ዴቨሎፕመንት ከተሰኘ መንግስታዊ ያልሆነ ድርጅት ጋር በመተባበር የተቀናጀ የት/ቤት ጤናና ምገባ ፕሮግራም ማስተግበሪያ ሰነድ አዘጋጅቶ ስራ ላይ እንዲውል አድርጓል፡፡ የሰነዱ መዘጋጀት የሚመለከታቸው ባለድርሻ አካላትን የእርስ በእርስ ግንኙነት የበለጠ እንዲጠናከር በማድረግ የተጀመሩ ስራዎች ተጠናክረው እንዲቀጥሉ ያደርጋል፡፡school feeding

ሰነዱ ተዘጋጅቶ ስራ ላይ እንዲውል ከተደረገ 6 ወራትን ያስቆጠረ ሲሆን በዚህ ወቅትም በየደረጃው ለሚገኙ ባለድርሻ አካላት የግንዛቤ መፍጠር (Advocacy) እና የአቅም ግንባታ ተግባራት ሲከናወን ቆይቷል፡፡ ይህም የተሻለ መነቃቃትን በመፍጠር ቀደም ብለው በተለያዩ የሚመለከታቸው አካላት የተጀመሩት የተቀናጀ የት/ቤት ጤናና ምገባ ፕሮግራም ውጤት በማምጣት ላይ ይገኛል፡፡

ሚኒስቴር /ቤቱ ፕሮግራሙን የበለጠ ውጤታማ ለማድረግ ከነሐሴ 24 - 25/2008 . "ጤናማ መሆን ለመማር ለመማር ጤናማ መሆን" በሚል መሪ ሀሳብ ከሚመለከታቸው አጋርና ባለድርሻ አካላት እንዲሁም ዓለም አቀፍ የልማት ድርጅቶች ጋር በመተባበር የምክክር አውደ ጥናት አዘጋጅቷል፡፡ የምክክር አውደ ጥናቱ ይህንን የተቀናጀ የት/ቤት ጤናና ምገባ ፕሮግራም በሚተገበሩ አካላት ያለው የቅንጅት ስራ ምን እንደሚመስል፣ በአፈጻጸም የታዩ ክፍተቶችን ለመለየትና የመፍትሄ አቅጣጫዎችን በጋራ ለማስቀመጥ ያለመ ነው፡፡

በትምህርት ማኒስቴር የእቅድ ዝግጅትና ሀብት ማፈላለግ ዳይሬክቶሬት አቶ እሽቱ አስፋው የተቀናጀ የት/ቤት ምገባና የጤና ፕሮግራም ጤናማና አምራች ዜጋን ለመፍጠር ወሳኝ መሆኑን አውደ ጥናቱን በንግግር ሲከፍቱ ጠቅሰዋል ፡፡

ተማሪዎች ትምህርታቸው ላይ ትኩረት ሰጥተው እንዲማሩ ለመማር ማስተማሩ እንቅፋት ከሆኑ ችግሮች በተለይም ከተለያዩ በሽታዎች እንዲጠበቁ ማድረግና አስፈላጊውን ድጋፍ መስጠት ተገቢ እንደሆነ የገለፁት አቶ እሽቱ ለዚህም ነው በሀገር አቀፍ ደረጃ ወጥ የሆነ የተቀናጀ የት/ቤት ጤናና ምገባ ማስተግበሪያ ሰነድ እንዲዘጋጅና ወደ ተግባር እንዲገባ የተደረገው ይላሉ፡፡

በትምህርት ሚኒስቴር የት/ቤት መሻሻል ፕሮግራም ዳይሬክተር አቶ ያሳቡ ብርቅነህ በበኩላቸው ፕሮግራሙን ሊመራና ሊያስተባበር የሚችል ራሱን የቻለ አደረጃጀት ባለመኖሩ ይህ የተቀናጀ የት/ቤት ጤናና ምገባ ፕሮግራም ምን ያህል በት/ቤቶች ላይ በአግባቡ እየተተገበረ መሆኑን ክትትል ማድረግ አለመቻሉን ተናግረዋል፡፡

በሚመለከታቸው ባለድርሻ አካላት እየተተገበረ ያለውን የተቀናጀ የት/ቤት ጤናና ምገባ ፕሮግራም ከመምራት፣ ከማስተባበርና ክትትል ከማድረግም በተጨማሪ ለፕሮግራሙ ስኬታማነትና ቀጣይነት አጠቃላይ ፕሮግራሙን የሚመራ አካል ሊኖር እንደሚገባም አቶ ያሳቡ አፅንኦት ሰጥተዋል፡፡

በቀጣይም የቅንጅት ስራዎችን ማጠናከር፣ በወርክሾፑ የተነሱ ክፍተቶችን ለመሙላት ሁሉም የድርሻውን መወጣት እንዳለበትና የተጠናከረና ቀጣይነት ያለው የመረጃ ልውውጥ ማድረግ እንዲሁም በፕሮግራሙ ላይ ግንዛቤ የመፍጠር በተለይም በሚመለከታቸው የአመራር አካላት ትኩረት እንዲስጥ ግንዛቤ መፍጠር ተገቢ እንደሆነም አቶ ያሳቡ ጨምረው ገልፀዋል፡፡

በአውደ ጥናቱ በት/ቤቶች አካባቢ የህፃናትን የመማር ማስተማር ሂደት የሚያደናቅፉ በሸታዎችን ለአብነት የብልሀርዝያና ሻስቶሶሚያሲስ እንዴት መከላከል እንደሚቻልና ስለሚሰጠው ህክምና፣ የእይታ ችግር ያለባቸውን ተማሪዎች የመለየትና መፍትሄ የመስጠት እንዲሁም ከኢልኒኖ ጋር ተያይዞ ድርቅ በተከሰተባቸው አንዳንድ አካባቢዎች ተማሪዎች ትምህርታቸውን እንዳያቋርጡ ስለተሰጠው የት/ቤት ምገባ ዙሪያ በተለያዩ የሚመለከታቸው ባለድርሻ አካላት ቀርቦ ስላስገኘው ጠቀሜታና እንዴት ተጠናክሮ መቀጠል እንዳለበት ውይይት ተደርጓል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡