የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት ተደረገ፡፡

የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም 1/3 በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

እንደ ሃገር የምዕተ-ዓመቱን የልማት ግቦች ከማሳካት አንጻር በኤችአይቪ/ኤድስ የሚሞቱትንና የሚያዙትን ቁጥር የቀነሰ ቢሆንም በአንፃሩ የፀረ-ኤች አይቪ /ኤድስ መድሃኒት ተጠቃሚዎች ቁጥር በመጨመሩ ቫይረሱ አሁንም ራሱን ደብቆ እየተንሰራራ መሆኑን እና በዚህን ሰዓት 6 መቶ ሺህ በላይ የበሽታው ተጠቂ መኖራቸው፣ 15 ሺህ የሚሆኑ አዳዲስ ዜጎች ከዚህም አምራቹ ሃይል ከፍተኛ ድርሻ ያለው በየዓመቱ እንደሚያዝ የጤና ጥበቃ ሚኒስቴር ደኤታ አቶ ብርሃኑ ፈይሳ ገልጸዋል፡፡

የፌዴራል ኤችአይቪ/ኤድስ መቆጣጠሪያና ማስተባበሪያ ጽህፈት ቤት ሃላፊ ዶክተር ሻሎ ዳባ በበኩላቸው በዩኒቨርሲቲዎች አካባቢ ለበሽታው መሰስፋፋት ዋና መንስኤ የተማሪዎቹ ግንዛቤ ማጣት፣ ስለ በሽታው በግልጽ ለመነጋገር ማፈር እና የዩኒቨርሲቲዎቹ ስለ በሽታው የተካተተ ፖሊሲና መርሃ ግብር ወጥነት ማጣት፣ ተቋማዊ ተጠያቂነት አለመኖር፣ የቅንጅታዊ አሰራር አናሳ መሆን፣ ጉዳዩ በተለያዩ መድረኮች አጀንዳ አለመሆን፣ ተጋላጭነት የሚያስፋፉ ሁኔታዎች እንደ ጫት፣ መጠጥ፣ የምሽት ክበብ፣ መኝታ ቤቶች፣ ሺሻ ቤቶች በዩኒቨርሲቲዎች አካባቢ መበራከት እና ችግሩ በጥናት አለመደገፍ እንደሆነ አብራርተዋል፡፡

በከፍተኛ ትምህርት ተቋማት ተማሪዎችን ከበሽታው መታደግ ማለት በአእምሮ የዳበረና ጤንነቱ የተጠበቀ ሀገር የሚገነባ አምራች ዜጋን ከማፍራት አልፎ ሌላውን ማህበረሰብ የሚታደግ መሆኑን እና ከመጀመሪያ ደረጃ ተማሪዎች ጀምሮ የመረባረብ ስራ ሁሉንም ዜጋ የሚጠይቅ መሆኑን ከተሳታፊዎቹ መካከል የኮተቤ ሜትሮፖሊታን ዩኒቨርሲቲ ፕሬዝዳንት ዶክተር ብርሃነመስቅል ጠና ገልጸዋል፡፡

የምክክር መድረኩ 26-28/11/2010. የሚቆይ ሲሆን ከትምህርት ሚኒስቴር፣ ከህዝብ ተወካዮች ምክር ቤት፣ ከፌዴራል ኤችአይቪ/ኤድስ መቆጣጠሪያ ጽህፈት ቤት፣ ከጤና ጥበቃ ሚኒስቴር፣ ከዩኒቨርሲቲ የተውጣጡ ሃላፊዎችና ባለሙያዎች በመድረኩ ላይ ተሳትፈዋል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡