የቴክኒክና ሙያ ትምህርትና ስልጠና ተማሪዎች ምርቃት፡

የቴክኒክና ሙያ ትምህርትና ስልጠና ተማሪዎች ምርቃት፡

የፌደራል ቴክኒክና ሙያ ትምህርትና ስልጠና ኢንስቲትዩት በተለያዩ ሙያዎች ያሰለጠናቸውን ሰልጣኞች በመጀመሪያና በሁለተኛ ዲግሪ በደማቅ ሁኔታ አስመረቀ፡፡

868ቱ ተመራቂዎች መካከል 51 የሚሆኑት ትምህርት ሚኒስቴር ባዘጋጀው ስኮላርሺፕ ተጠቃሚ የሆኑ የደቡብ ሱዳን ዜጎች ሲሆኑ በአምስት የተለያዩ የትምህርት ክፍሎች 757 በመጀመሪያ ዲግሪ፣ በመምህርነት በስድስት የትምህርት ክፍሎች 92 ሰልጣኞች እንዲሁምአመራርነት ለመጀመሪያ ጊዜ 19 ሰልጣኞችን በሁለተኛ ዲግሪ ሐምሌ 7/2010 . አስመርቋል፡፡  

በምረቃ ስነ-ስርዓቱ ላይ የመክፈቻ ንግግር ያደረጉት የኢንስቲትዩቱ ዋና ዳይሬክተር አቶ ተሻለ በሬቻ ተመራቂዎች በሀገራቸን የተጀመረውን የህዳሴ ጉዞ ለማሳካት የተሰጣቸውን ከፍተኛ ኃላፊነት በትጋት ሊወጡ እንደሚገባ አሳስበዋል፡፡

ኢንስቲትዩቱ በቴክኒክና ሙያ ትምህርትና ስልጠና ዘርፍ ያለውን የአሰልጣኞች እና የአመራሮች እጥረት ለመቅረፍ ታስቦ 2003 .ም የተቋቋመ ሲሆን ዘንድሮ ለአራተኛ ጊዜ ሰልጣኞችን አስመርቋል፡፡

ኢንስቲትዩቱ በቴክኒክና ሙያ ትምህርና ስልጠና ዘርፍ ያለውን የአሰልጣኞች እጥረት ለመፍታት ከዋናው ግቢ በተጨማሪ በስድስት ክልሎች በሚገኙ ፖሊ ቴክኒክ ኮሌጆች ውስጥ 15 የሳተላይት ማዕከላትን በመክፈት በዚህ ዓመት ብቻ 7,934 ለሚሆኑ አሰልጣኞች ስልጠና በመስጠት ላይ ይገኛል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡