የትምህርት ሚኒስቴር ሰራተኞች የሲቪል ሰርቪስ ቀንን በድምቀት አከበሩ::

የትምህርት ሚኒስቴር ሰራተኞች የሲቪል ሰርቪስ ቀንን በድምቀት አከበሩ::

የትምህርት ሚኒስቴር ሰራተኞች ከተጠሪ ተቋማት ሰራተኞች ጋር በጋራ በመሆን የሲቪል ሰርቪስ ቀንን በጥያቄና መልስ ውድድር በሚኒስቴር መስሪያቤቱ የመሰብሰቢያ አዳራሽ አክብረዋል ፡፡

በዕለቱ ከየዘርፉ ተመርጠው የተላኩ ሰራተኞች በጥያቄና መልስ ውድድሩ የተሳተፉ ሲሆን በውድድሩ ስለመንግስት ሰራተኞች አዋጅና መመሪያ እንዲሁም ስለሰራተኞች መብትና ግዴታዎች በርካታ ጥያቄዎች በመነሳታቸው ተወዳዳሪዎች እና ጠቅላላ ሰራተኞች በቂ ግንዛቤ እንዲያገኙ አስችሏል ፡፡ 
በመጨረሻም በጥያቄና መልስ ውድድሩ ያሸነፉ ሰራተኞች የማበረታቻ ሽልማት ከሚኒስትር ቢሮ ኃላፊው ከአቶ ንጉሴ በየነ እጅ እንደተቀበሉ የኮሙኒኬሽን ጉዳዮች ዳይሬክቶሬት ዘገባ ያመለክታል።


News

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡

የቴክኒክና ሙያ ትምህርትና ስልጠና ተማሪዎች ምርቃት፡

የፌደራል ቴክኒክና ሙያ ትምህርትና ስልጠና ኢንስቲትዩት በተለያዩ ሙያዎች ያሰለጠናቸውን ሰልጣኞች በመጀመሪያና በሁለተኛ ዲግሪ በደማቅ ሁኔታ አስመረቀ፡፡ ከ868ቱ ተመራቂዎች መካከል 51 የሚሆኑት ትምህርት ሚኒስቴር ባዘጋጀው ስኮላርሺፕ ተጠቃሚ የሆኑ የደቡብ ሱዳን ዜጎች ሲሆኑ በአምስት የተለያዩ የትምህርት ክፍሎች 757 በመጀመሪያ ዲግሪ፣ በመምህርነት በስድስት የትምህርት ክፍሎች 92 ሰልጣኞች እንዲሁም በአመራርነት ለመጀመሪያ ጊዜ 19 ሰልጣኞችን በሁለተኛ ዲግሪ ሐምሌ 7/2010 ዓ.ም አስመርቋል፡፡

ወሎ ዩኒቨርሲቲ፡ የ2010ዓ.ም የተማሪዎች የምረቃ በዓል፡

ተመራቂ ተማሪዎች በተጀመረው የመደመር፣ የፍቅር፣ የአንድነትና የይቅርታ ዘመን በንቃት በመሳተፍ ለሀገራቸው ሁለንተናዊ ለውጥ የዲርሻቸውን እንዲወጡ የወሎ ዩኒቨርሲቲ ፕሬዝዳንት አስገነዘቡ፡፡ የወሎ ዩኒቨርስቲ በተለያዩ የትምህርት መስኮች ያሰለጠናቸውን 4362 ተማሪዎችን በ2ኛና በመጀመሪያ ዲግሪ ለአስረኛ ጊዜ ባስመረቀበት ወቅት የዩኒቨርስቲው ፕሬዝዳንት ክቡር ዶ/ር አባተ ጌታሁን እንደገለፁት ሊከፋፍሉን ለሚፈልጉ አካላት ጀርባችንን በመስጠት አሁን የተጀመረው የመደወር፣የመደመር እና የለውጥ ምህዋር ጋር በጋራ ከተባበርን መሻገር የማይቻል ችግር እንደለለ ገልፀው ተመራቂ ተማሪዎችም በፍቅር እና በአንድነት በህብር በመኖር ለሀገራቸው ሁለንተናዊ ልማት የጎላ አስተዋፅኦ ማበርከት እንደሚጠበቅባቸው አስገንዝበዋል፡፡

የአክሱም ዩኒቨርሲቲ 10ኛው ዙር የተማሪዎች ምርቃት ሥነ-ሥርዓት ተከናወነ፡

የአክሱም ዩኒቨርሲቲ በመደበኛና በተከታታይ የትምህርት መርሃ-ግብር በቅድመ-ምረቃና በድህረ-ምረቃ ፕሮግራሞች ትምህርታቸውን ሲከታታሉ የነበሩ 1,205 ሴት (34%) እና 2,332 ወንድ (66%) በድምሩ 3,537 የ2010 ትምህርት ዘመን ተመራቂ ተማሪዎችን ሰኔ 30/2010 ዓ.ም አስመርቋል።

የአዲግራት ዩኒቨርሲቲ፡ የ2010ዓ.ም የተማሪዎች የምረቃ በዓል፡

የአዲግራት ዩኒቨርሲቲ በተለያዩ የሙያ መስኮች ያሰለጠናቸውን ተማሪዎች ሰኔ 30 ቀን 2010 ዓ.ም አስመረቀ፡ ዩኒቨርሲቲው ለ5ኛ ጊዜ በመደበኛና በተከታታይ ትምህርት ፕሮግራም በተለያዩ የሙያ መስኮች ያሰለጠናቸውን ከ4,000 በላይ ተማሪዎችን አስመርቋል፡፡ ከነዚህም መካከል 1,534 ሴቶች መሆናቸው ታውቋል፡፡