የትምህርትና ስልጠና ዘርፍ ፖሊሲው የዜጎችን በአፍ መፍቻ ቋንቋ የመማር መብት ያረጋገጠ መሆኑ ተገለፀ፡፡

የትምህርትና ስልጠና ዘርፍ ፖሊሲው የዜጎችን በአፍ መፍቻ ቋንቋ የመማር መብት ያረጋገጠ መሆኑ ተገለፀ፡፡

... ትምህርት ሚኒስቴር ሚኒስትር ክቡሩ / ጥላዬ ጌቴ 27ኛው የግንቦት 20 የድል በዓል አስመልክቶ ትምህርትና ስልጠና ስርዓቱ 27 ዓመት ጉዞ ያስገኛቸው ውጤቶች ላይ ጋዜጣዊ መግለጫ ሰጥተዋል፡፡ ክቡር ሚኒስትሩ ይህ የትምህርትና ስልጠና ፖሊሲው ከመቀረፁ በፊት ከትምህርት ተደራሽነት ፣ፍትሃዊነትና ተገቢነት ጋር የተያያዙ መጠነ ሰፊ ችግሮች የነበሩበት መሆኑን አስታውሰው ይህ የትምህርትና ስልጠና ፖሊሲ እነዚህን ችግሮች በሚገባ መልሷል ብለዋል፡፡ከምንም በላይ ፖሊሲው የዜጎችን በአፍ መፍቻ ቋንቋ የመማር እድል አረጋግጧል፤ በዚህም በአሁኑ ሰዓት 51 የአፍ መፍቻ ቋንቋዎች የመጀመሪያ ደረጃ ትምህርት እየተሰጠ እንደሚገኝ ጠቅሰዋል፡፡ክቡር ሚኒስትሩ አክለውም ፖሊሲው የመጀመሪያ ደረጃ ትምህርት ለሁሉም ዜጎች በፍትሃዊነት እንዲዳረስ አድርጓል፣በቴክኒክና ሙያ ማሰልጠኛ ተቋማት ዜጎች ተጠቃሚ መሆናቸውን እንዲሁም ለአንድ ሀገር እድገት የሰለጠነ የሰው ሃይል መፍለቂያ የሆነውን የከፍተኛ ትምህርት ተቋም በማስፋፋትና በቂ የሰው ሃይል በማፍራት በማህበራዊና ኢኮኖሚያዊ እድገቱ ላይ ዘርፈ ብዙ ቱሩፋቶች እንደተመዘገቡ አብራርተዋል፡፡ ነገር ግን ጥራትና ተገቢነትን ከማረጋገጥ አኳያ የበለጠ መስራትና ማተኮር እንደሚገባ የተገመገመ መሆኑን ገልፀው ይህን ለመፍታት ስርዓተ ትምህርቱን በየጊዜው የማሻሻል፣የመምህራንን አቅም በቀጣይነት የመገንባት ፣የትምህርት አሰጣጡን የበለጠ በቴክኖሎጂ የመደገፍ እና የትምህርት ፍኖተ ካርታ ማዘጋጀትን ጨምሮ ሌሎች በርካታ ስራዎች እየተሰሩ መሆኑን በመግለጫቸው የጠቀሱ መሆኑን የኮሙዩኒኬሽን ጉዳዮች ዳይሬክቶሬት ዘገባ ያመለክታል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡