በህዝብ አስተያየት ዳሰሳ ጥናት ማካሄድ እና በቀውስ ኮሚዩኒኬሽን ዙሪያ በአዳማ ከተማ ሥልጠና ተሰጠ

በህዝብ አስተያየት ዳሰሳ ጥናት ማካሄድ እና በቀውስ ኮሚዩኒኬሽን ዙሪያ በአዳማ ከተማ ሥልጠና ተሰጠ

በኢ.... የመንግስት ኮሙኒኬሽን ጉዳዮች /ቤት የአቅም ግንባታ እና የጥናትና ምርምር ጀነራል ዳይሬክቶሬት ዳይሬክተር አቶ ሀዱሽ ካሱ ለትምህርቱ ዘርፍ የህዝብ ግንኙነት ኃላፊዎችና ባለሙያዎች በተዘጋጀው የሥልጠና መድረክ ላይ ተገኝተው የህዝብ አስተያየት ዳሰሳ ጥናት በማካሄድ ላይ ሥልጠነ በሰጡበት ወቅት የህዝብ አስተያየት ዳሰሳ ጥናት ለህዝብ ግኝኑነት ሥራው መነሻውና መድረሻው እንደሆነ ገልጸዋል። በዚህም መሠረት ጥናቱም የህብረተሰቡን ግንዛቤ ደረጃ ለመለየት፣ የህብረተሰቡን ተሳትፎ ለማሳደግ፣በሆነ ጉዳይ ላይ የህብረተሰቡን አቋም ለመለየት፣ አዝማሚያዎችን ለማስተዋልና ተጽዕኖ ለማሳደር አንደሚከናወን ጠቁመው የህዝብ ግንኙነት ሥራውን ለማቀድም ሆነ በአፈጻጸም የመጣውን ለውጥ (ውጤት) ለመለካት ወሳኝ መሆኑን አስገንዝበዋል።
በመሆኑም በህዝብ ግንኙነት ሥራ ብሔራዊ መግባባት ለመፍጠርና መልካም ገጽታን ለመገንባት በህዝብና በመንግስት መካከል ያለው ግንኙነት የህዝብ አስተያየት ጥናትን መሰረት ያደረገ ሊሆን እንደሚገባ አቶ ሀዱሽ አስረድተዋል።
በጽ/ቤቱ የግንኙነትና ገጽታ ግንባታ ጀነራል ዳይሬክቶሬት ዳይሬክተር ሆኑት አቶ አብዱራህማን ናስር በመድረኩ ተገኝተው የቀውስ ጊዜ ኮሚዩኒኬሽንን አስመልክተው ሥልጠና የሰጡ ሲሆን በገለጻቸው በቀውስ ወቅት የሚተላለፉ የህዝብ ግንኙነት መልዕክቶች ለወቅቱ የሚመጥኑና በጥንቃቄ የተዘጋጁ ሊሆኑ እንደሚገባ ጠቁመዋል።
ቀውስ በሚያጋጥምበት ወቅት ከተለያዩ ምንጮች ስፍር ቁጥር የሌላቸው መረጃዎች የሚፈሱ በመሆናቸው እውነተኛ፣ ወቅታዊና ግልጽ መረጃዎችን ለመለየት አስቸጋሪ ስለሚሆን የህዝብ ግንኙነት ባለሙያዎች እጅግ ውስን ቢሆንም ጥራት ያለውን መረጃ ብቻ በመለየት መጠቀም እንደሚገባቸው አስታውቀዋል፡፡
የቀውስ ኮሙኒኬሽን ሥራ አስቀድሞ ማቀድን፣ታማኝ ምንጮች መጠቀምን፣ለሚዲያ ፈጣን ምላሽ መስጠትን፣ ከክስተቱ ጋር አግባብነት ያለው የአነጋገር ዘዴ መጠቀምን፣የቀውሱን መጠን በልኩ መግለጽን፣ ቀውሱን በተመለከተ ህብረተሰቡ በሌሎች የመረጀ ምንጮች እንዳይወዛገብ በቀጣይነት ለህብረተሰቡ መረጃ እንደሚሰጡና ተዓማኒነት ያለው የመረጃ ምንጭ ሆነው እንደሚያገለግሉ ተስፋ መስጠትና ይህንኑ እውን ማድረግ እና የመሳሰሉትን ቴክኒክና ዘዴዎችን የሚፈልግ ተግባር መሆኑንም አቶ አብዱራህማን ጨምረው አስረድተዋል፡፡
በስልጠናው ላይ በተሳታፊዎች የተለያዩ ጥያቄዎችና አስተያየቶች ቀርበው ምላሽና ማብራሪያ ተሰጥቶባቸዋል። የሥልጠናው ተሳታፊዎችም ከዘጠኙ ብሄራዊ ክልሎች ትምህርት ቢሮዎች ከሁለቱ ከተማ አስተዳደሮች ትምህርት ቢሮዎች ፣ከትምህርት ሚኒስቴርና ተጠሪ ተቋማት የተውጣጡ የህዝብ ግንኙነት ኃላፊዎችና ባለሙያዎች ተሳታፊዎች ነበሩ።


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡