የስልጤ 2ኛ ደረጃ ትምህርት ቤት በስኬት ጎዳና

የስልጤ 2ኛ ደረጃ ትምህርት ቤት በስኬት ጎዳና

በሀገራችን ታሪክ በንግድና ቢዝነስ ስራ ታታሪነት የሚታወቀው የስልጤ ማህበረሰብ በትምህርት ዘርፍ ብዙም አይታወቅም ነበር፡፡ ታሪክ ተቀየረና ዛሬ ላይ የዞኑ ህዝብ ለትምህርት ዘርፍ ልማት ከፍተኛ ትኩረት በመስጠት ልጆቹን እያስተማረ ይገኛል፡፡በዚሁ መሠረት በቅርብ ዓመታት በዞኑ ስር የሚገኙ የተለያዩ ትምህርት ቤቶች የስልጤ 2 ደረጃ ትምህርት ቤትን ጨምሮ በትምህርት ስራ አፈጻጸም የተሸለ ውጤት በማስመዝገብ እንደ ክልል ተሸልመዋል፡፡
የስልጤ 2 ደረጃ ትምህርት ቤት በደቡብ ክልል ስልጤ ዞን ከአዲስ አበባ በስተደቡብ አቅጣጫ 135 / ርቀት ላይ ይገኛል፡፡ 1945. 1-6 ክፍል ትምህርት ለመስጠት የተመሠረተው ትምህርት ቤቱ 2000 . ወደ 2 ደረጃና መሠናዶነት አድጓል፡፡ ትምህርት ቤቱ በክልሉ ካሉት ሁሉ 2 ደረጃ ትምህርት ቤቶች 2009. የተሻለ የትምህርት ስራ አፈጻጸም በማሳየቱ እንደ ደቡብ ክልል ተሸልሟል፡፡
የትምህርት ቤቱ ርዕሠ መምህር አቶ አብዱልመናን ሡልጣን የተሻለ ውጤት ያስመዘገቡትን የሌሎች ትምህርት ቤቶች ተሞክሮና ልምድ በመጎብኘት የስልጤ ወረዳና የዞኑን ሕዝብ ንቅናቄ በመፍጠር ስለ ትምህርት ጥቅም ምንም ግንዛቤ ያልነበረው ሕዝብ 2008. ብቻ 420000 ብር ገቢ በማሰባሰብ፣ ክልሉን ጨምሮ ቃል ከተገባው ጋር 5 ሚሊዮን ብር ገቢ እየተሰበሰበ መሆኑን ይገልጻሉ፡፡ በገንዘቡም ብዙ ግብዓቶች እየተሟለ ይገኛል፡፡
ቀደም ብሎ የመልካም አስተዳደር፣ የዲሲፕሊን፣ የመረጃ አደረጃጀት፣ የመጠነ መድገምና ማቋረጥ፣ አሳታፊ የማስተማር ስነ ዘዴ፣ የግብዓት አቅርቦት፣ ሳምንታዊ የትምህርት ዕቅድ አዘገጃጀት፣ የተከታታይ ምዘና አተገባበር፣ የስፖርት ሜዳ እና የትምህርት ቤት አደረጃጀቶች ችግሮች የነበሩበት ሲሆን ትምህርት ቤቱ እንቅፋቶቹን 2008. ጀምሮ በመቅረፉ ውጤታማ እንደ ሆነ ርዕሠ መምህሩን ጨምሮ የዞኑ የአጠቃላይ ትምህርት ጥራት ዳይሬክቶሬት ዳይሬክተር አቶ ነስረዲን ከማል አብራርተዋል፡፡
ስነምግባርን አስመልክቶ በማርፈድ፣ በማቋረጥ፣ አጥር ሾልከው መሄድ፣ ፈተና ኩረጃ፣ ከትምህርት ቤት መቅረት ዙሪያ ተደጋጋሚ ውይይት በማድረግ ተማሪዎቹ ፊታቸውን ወደ ትምህርት በማዞር ሙሉ ጊዜያቸውን ለትምህርትና ፈጠራ ስራ እንዲያውሉ ተደርጓል፡፡ የተማሪዎች ፓርላማ የትምህርት ቤቱ ማህበረሰብ ዲስፒሊን ላይ ይሰራል፣ ተማሪዎቹ እስከ ማታ 6 ሰዓት በትህርት ቤቱ ቤተ-መጽሃፍት እንዲያነቡ መምህራን በፈረቃ እየረዱ መሆኑን፣ ለዚህም ከትምህርት ቅጥር ውጪ ላይ የአካባቢው ህብረተሰብ ተራ በተራ ከከተማው ፓሊስ ጋር በመሆን ጥበቃ እንደሚያደርግላቸው ምክትል ርዕሰ መምህራን አቶ ኑሪ ሽኩር እና አቶ ታሪኩ ዳዊት ይገልጻሉ፡፡
የስርዓተ ጾታ እኩልነት በትክክል እየተሰራበት መሆኑን ከተማሪዎች ተሳትፎ ጨምሮ በአመራርም ሴት መምህራን 2 ትምህርት ክፍል ሃላፊዎች፣ የክበባት ሃላፊዎች ሲሆኑ፣ ከየክፍሉ ተጠሪ ተማሪዎች ሃላፊ ወይም ምክትል ሃላፊ ሴት ተማሪ መሆኑን ርዕሰ መምህሩ ገልጸዋል፡፡
ትምህርት ቤቱ መንግስታዊና መንግስታዊ ካልሆኑ አካላት፣ ከህብረተሰቡ፣ ከውስጥ ገቢ የሚገኝ የገቢ ምንጭ ያለው፣ የምድረ ግቢው ማራኪና በቂ የትምህርት ግብዓቶች መኖሩ፣ ትምህርት ቤቱ አሁንም ወደ ፊት ለመጓዝ ሰፊ ሃይልና ዕድል እንዳለው ተገንዝበናል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡