ሁለንተናዊ ስኬት በሀዋሳ ዩኒቨርሲቲ

ሁለንተናዊ ስኬት በሀዋሳ ዩኒቨርሲቲ

ዩኒቨርሲቲዎች ከመማር ማስተማር ስራ ጎን ለጎን በጥናትና ምርምር እንዲሁም ለአከባቢው ማህበረሰብ የቴክኖሎጂ ሽግግር በማስፋፋት ጉሊህ ድርሻ እያበረከቱ ይገኛሉ፡፡
በትምህርት ስራ አፈጸጸም የላቃ ውጤት በማስመዝገብ በዩኒቨርሲቲዎች መካከል በሚደረገው ውድድር ባለፉት አራት ዓመታት ከመጀመሪያ ትውልድ ዩኒቨርሲቲዎች 1 እስከ 3 ደረጃ ውጪ ሆኖ የማያውቀው የሀዋሳ ዩኑቨርሲቲ ከመሠረቱ የተረጋጋና ቀጣይነት ያለው አሰራርና አፈጻጸም መኖሩን ያሳያል ያሉት የዩኒቨርሲቲው የአካዳሚክ ጉዳዮች ምክትል ፕረዝደንት ዶክተር ኢንጂነር ፍስሃ ጌታቸው ናቸው፡፡
2009. 2 ደረጃ ቢያገኝም በቅርብ ቀን ከሁሉም ዩኒቨርሲቲዎች ልቆ እንደሚሄድ በዩኒቨርሲቲው በሂደት ላይ ያሉ መጠነ ሰፊ የትምህርት ልማትና የልህቀት ማዕከላት እንዲሁም የማስፋፈያ ስራዎች ያረጋግጣሉ፡፡ ከላይ በተጠቀሰው ዓመት የምርምር ዩኒቨርሲቲ እንዲሆን የትኩረት አቅጣጫ በማስቀመጥ 81 የቅድመ ምረቃና 125 የድኅረ ምረቃ ፕሮግራሞች ተቀርጸው በፕሮግራሞቹ ዙሪያ መንግስታዊና መንግስታዊ ካልሆኑ ድርጅቶች እንዲሁም ከተለያዩ ሀገራት ጋር በጥምረት እየተሰራ መሆኑን ዶክተሩ አብራርተዋል፡፡
በተቀመጠው አቅጣጫ መሠረት በመማር ማስተማር ሂደ በትምህርት ጥራት ላይ ከማተኮር በተጨማሪ የማህበረሰብ ችግሮችን በመለየት በችግሮቹ ዙሪያ ጥናት ይደረጋል፣ በጥናቱ ውጤት ዙሪያ ሰፊ ውይይትና ግንዛቤ በመፍጠር ችግሩ ከመሠረቱ እንዲቀረፍ የተግባር ስራ ይሰራል፡፡ ከተለምዶው ሼልፍ ማስዋቢያ አልፈው የጥናትና ምርምር ውጤቶቻችን በተገኘው ውጤት ዙሪያ ክትትል፣ ድጋፍና ግምገማ ይደረግባቸዋል በማለት የዩኒቨርሲቲው የምርምርና ቴክኖሎጂ ሽግግር ምክትል ፕሬዝደንት ዶክተር ተስፋዬ አበባ ይገልጻሉ፡፡
የማህበረሰብ አገልግሎት፣ የዩኒቨርሲቲ እንዱስትሪ ትስስርና የቴክኖሎጂ ሽግግር ትኩረት ተሰጥቶት በምክትል ፕሬዝደንት ደረጃ መመራቱ ዩኒቨርሲቲው ለማህበረሰቡ ተደራሽ ከመሆኑም በላይ ስራውን በጥራት በመስራት ደረጃ እንዲያገኝ ረድተውታል ይላሉ የዩኒቨርሲቲው የምርምር ጉዳዮች ዳይሬክቶሬት ዳይሬክተር ፕሮፌሰር አለማየሁ ረጋሳ፡፡
ዩኒቨርሲቲው በአየር ንብረት ለውጥ፣ በከርበንና ታዳሽ የሃይል ምንጭ ማፈላለግ ዙሪያ በወንዶ ገነት ደን ልማት ኮሌጅ፣ የካንሰር ህክምና ማእከል ግንባታና በግምት 20 ሚሊዮን የኦሮሚያ፣ የሶማሌ፣ የደቡብ ብሔር ብሔረሰቦችና ሕዝቦች ኢትዮጵያውያን ተደራሽ የሆነው የሀዋሳ ዩኒቨርሲቲ ኮምፕሬሄንሲቭ ስፔሻላይዝድ ሆስፒታል እንዲሁም ESTEM ማዕከል 1 እና 2 ደረጃ ትምህርት ቤቶች ተማሪዎችን “INSIDE EVERY CHILD IS A SCIENTIST” በሚል መፈክር በሳይንስ፣ በቴክኖሎጂ፣ በኢንጂነሪንግና በህሳብ ትምህርቶች ተማሪዎችን ከመሰረቱ ኮትኩቶ ለማውጣት እያደረገ ያለው ጥረት ዩኒቨርሲቲውን ልዩ ያደርገዋል፡፡
በአሁኑ ሰዓት የሀዋሳ ዩኒቨርሲቲ ዋናው ካምፓስ ጨምሮ በአምስት ካምፓሶች እና ሰባት ኮሌጆች በሁሉም መስክ 48,000 ተማሪዎችን እስያተማረ ይገኛል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡