ወቅታዊ ሁኔታን አስመልክቶ የ7 ዩኒቨርሲቲ ፕሬዝዳንቶች ጋዜጣዊ መግለጫ

ወቅታዊ ሁኔታን አስመልክቶ የ7 ዩኒቨርሲቲ ፕሬዝዳንቶች ጋዜጣዊ መግለጫ

በዚህ አመት በአገሪቱ ዩኒቨርሲቲዎች የተመደቡ የነባርም ሆነ የአዲስ ተማሪዎች አቀባበልና ምዝገባ በአግባቡ እየተከናወነ መሆኑን የሰባት ዩኒቨርሲቲ ፕሬዚደንቶች አስታወቁ፡፡ በዩኒቨርሲቲዎቹም ምንም ዓይነት ችግር እንደሌለና አቀባበልም ሆነ ምዝገባው በሠላማዊ መንገድ እየተፈጸመ መሆኑን ጠቁመዋል፡፡

የሐረማያ፣ የጅግጅጋ፣ የቡሌ ሆራ፣ የወለጋ፣ የመደ ወላቡ፣ የድሬ ዳዋና የዲላ ዩኒቨርሲቲ ፕሬዚደንቶች በጋራ በሰጡት ጋዜጣዊ መግለጫ 2010 የትምህርት ዘመን ወደ ከፍተኛ ትምህርት ተቋማቱ የሚገቡ የነባርም ሆነ የአዲስ ተማሪዎች ምዝገባና አቀባበል በአግባቡ እየተፈጸመ መሆኑን አስታውቀዋል፡፡

በዩኒቨርሲቲዎቹ ተማሪዎችን ለመቀበል በወጣው የጊዜ ሠሌዳ መሠረት ተማሪዎችን ከመመዝገብ ባለፈ ለተማሪዎች ስለ ትምህርት ተቋማቱ ለአዲስ ተማሪዎች ገለጻ፤ ለነባር ተማሪዎች ደግሞ በአብዛኞቹ ዩኒቨርሲቲዎች የመማር ማስተማር ሂደት የተጀመረበት ሁኔታ መኖሩን ፕረዚደንቶቹ ጨምረው ገልጸዋል፡፡

ከዚህ ውጭ በአንዳንድ ማህበራዊ ድህረገጾች ስለ ከፍተኛ የትምህርት ተቋማት ችግር እንዳለ በማስመሰል የሚናፈሱ የፈጠራ መረጃዎችና አሉባልታዎች ትክክል አለመሆናቸውንና የመማር ማስተማሩ ሂደት ያለምንም ችግር እየተካሄደ መሆኑን በኢ.... ትምህርት ሚኒስቴር የኮሙኒኬሽን ጉዳዮች ዳይሬክቶሬት መረጃ ያመለክታል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡