News News

የመምህራን ትምህርት ስልጠና የበለጠ ውጤታማ ለማድረግ የልህቀት ማዕከላት ተመረጡ

የትምህርት ጥራትን በሚፈለገው ደረጃ ለማሳደግ የመምህራንና የትምህርት አመራር ስልጠና ስርዓት ከዚህ በፊት ከነበረው ይበልጥ በተሻለ መልኩ አጠናክሮ ለማስቀጠል ሦስት ከፍተኛ የትምህርት ተቋማት የልህቀት ማዕከላት ሆነው መመረጣቸውን የኢ... ትምህርት ሚኒስቴር አስታወቀ፡፡

ይህንኑ አስመልክቶ የኢ... ትምህርት ሚኒስቴር ሚኒስትር ክቡር / ጥላዬ ጌቴ ጋዜጣዊ መግለጫ በሰጡበት ወቅት፣ አምስተኛውን የትምህርት ልማት መርሃ ግብር ለማሳካት ትኩረት ከተሰጣቸው መካከል የትምህርት ጥራትንና አግባብነትን ወደ ላቀ ደረጃ ለማሳደግ የመምህራን አሰለጣጠን ስርዓትና አደረጃጀትን ማሻሻል ወሳኝ መሆኑን በማመን የከፍተኛ ትምህርት ተቋማትን ለልህቀት ማዕከልነት ለመምረጥ ለውድድር በወጣው የፍላጎት መጠየቂያ መሰረት፣ ከሰባት ከፍተኛ ትምህርት ተቋማት መካከል ሦስት ዩኒቨርሲቲዎች የምዘና መስፈርቱን በማሟላት መመረጣቸውን ተናግረዋል፡፡

እንደሚኒስትሩ ገለፃ የመምህራንና የትምህርት አመራር ስልጠና የልህቀት ማዕከላት በመሆን ተወዳድረው የተመረጡት ጅማ ዩኒቨርሲቲ፣ ባህር ዳር ዩኒቨርሲቲና መቐለ ዩኒቨርሲቲ ሲሆኑ ወደ መምህርነት ሙያ ለመሰልጠን የሚቀላቀሉ ተማሪዎች ፍላጎትን ያገናዘበ መሆን እንደሚገባም አሳስበዋል፡፡

/ ጥላዬ አክለውም በመምህርነት ሙያ ለማሰልጠን የተመረጡት ከፍተኛ ትምህርት ተቋማት፥ እጩ መምህራንን በሚያስተምሩት የትምህርት አይነት ይዘትና የማስተማር ዘዴ ከማሰልጠን ጎን ለጎን የመምህራንና ትምህርት አመራር ስልጠና ስትራቴጂ የአሰለጣጠን ስርዓትን የማጥናት፣ የሙያ ደረጃዎች የማውጣትና የማሻሻል፣ የስርዓተ ትምህርት ማዕቀፍ ዝግጅት ስራዎች እንደሚሰሩም ገልፀዋል፡፡
ተማሪዎች የዘመናዊ ቴክኖሎጂ አጠቃቀም ችሎታ ማዳበር እንዲችሉ እንዲሁም በሁለተኛ ደረጃ ትምህርት ሁሉንም የትምህርት አይነቶች የሚያስተምሩ መምህራን በበቂ የማስተማሪያ ዘዴዎች በማሰልጠን፣ ለተማሪዎች እውቀት እንዲያስተላልፉ የከፍተኛ ትምህርት ተቋማት መምህራንን ከማሰልጠን ረገድ ሀገራዊ ሃላፊነት እንዳለባቸውም ከተመረጡ ተቋማት የተውጣጡ አንዳንድ የዩኒቨርሲቲ ፕሬዚዳንቶች ጠቅሰዋል፡፡

በመድረኩም በኢ... ትምህርት ሚኒስቴር የአጠቃላይ ትምህርት ዘርፍ ሚኒስትር ዴኤታ ተወካይ እና የከፍተኛ ትምህርት ዘርፍ ሚኒስትር ዴኤታ እንዲሁም ከተመረጡት የልህቀት ማዕከላት ጋር የስምምነት ሰነድ ፊርማ ስነ-ስርዓት ተካሂዷል፡፡

የሚኒስቴር መስሪያ ቤቱ የኮሙዩኒኬሽን ጉዳዮች ዳይሬክቶሬት መግለጫውን ተከታትሎ በዘገበው መሰረት፣ የተመረጡ የልህቀት ማዕከላት በተያዘው 2010 ትምህርት ዘመን ተማሪዎችን ተቀብለው የማሰልጠን ስራ እንደሚጀምሩ ታውቋል፡፡



No comments yet. Be the first.
News

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡

የሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ተሰጠ

የትምህርት ሚኒስቴር ሥርዓተ ፆታ ጉዳዮች ዳይሬክቶሬት ከሚኒስቴር መስሪያ ቤቱ ሁሉም የሥራ ክፍሎች እና ከተጠሪ ተቋማት ለተውጣጡ ከፍተኛ ባለሙያዎች እየተሰጠ ባለው ስልጠና የሁለተኛ ቀን ውሎ በሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ሰጠ ፡፡ ስልጠናውን የሰጡት በዳይሬክቶሬቱ የስርዓተ ፆታ ክትትልና ድጋፍ ከፍተኛ ባለሙያ የሆኑት አቶ ብርሃኑ አረጋ ሲሆኑ የዚህ ስልጠና ዋና አላማ በሚኒስቴር መስሪያ ቤታችን ያሉ የስራ ክፍሎች የሥርዓተ ፆታ እኩልነትና ሴቶችን ማብቃት ተቋማዊ ለማድረግ የሚያከናውኑትን ተግባራት በመመዘንና ተከታታይ ድጋፍ በመስጠት የሥርዓተ ፆታ እኩልነት በሁሉም ዘርፍ ለማረጋገጥ ብሎም የሀገራችንን የልማት ራዕይ ለማሳካት ነው ብለዋል፡፡

የመንግስታዊና ግብረሰናይ ድርጅቶች የጋራ ፎረም ውይይት ተካሄደ፡፡

ዛሬ ጥቅምት 20/2010 ዓ.ም በትምህርት ሚኒስቴር አዳራሽ መንግስታዊና መንግስታዊ ያልሆኑ ድርጅቶች በትምህርት ስልጠና ዘርፍ የ2010 ዓ.ም ዋና ዋና ዕቅዶች ላይ ተገናኝተው ውይይት አድርገዋል፡፡ በምክክር መድረኩ ተገኝተው የመድረኩን አላማ የገለጹት በትምህርት ሚኒስቴር የእቅድ ዝግጅትና ሃብት ማፈላለግ ዳይሬክቶሬት ዳይሬክተር አቶ ኤልያስ ግርማ የመድረኩ ዋና አላማ የትምህርት ሴክተሩ እቅድ አፈጻጸም ላይ ውይይት ማድረግ ነው ብለዋል፡፡