News News

ለአይነስውራን መምህራን የኮምፒውተር አጠቃቀምና ለትምህርት አመራሮች የምልክት ቋንቋ ስልጠና ተሰጠ።

የትምህርት ሚኒስቴር ከአዲስ አበባ ዩኒቨርሲቲ የልዩ ፍላጎት ትምህርት ድጋፍ ጋር በመተባበር 45 ቀናት ለአይነስውራን መምህራን የኮምፒውተር አጠቃቀምና ለትምህርት አመራሮች የምልክት ቋንቋ የተሰጠው ስልጠና ተጠናቀቀ።

በስልጠናው የማጠቃለያ ፕሮግራም ላይ ተገኝተው ንግግር ያደረጉት በትምህርት ሚኒስቴር የመምህራንና የትምህርት አመራር ልማት ዳይሬክቶሬት ዳይሬክተር / አሰፋሽ ተካልኝ "የትምህርት ፍትሀዊነትንና ተደራሽነትን ከማስፋፋት አንጻር በርካታ ስራዎች እየተሰሩ መሆኑን ገልጸው ልዩ ድጋፍ ለሚያስፈልጋቸው መምህራንና ተማሪዎች የሚደረገው ድጋፍ ተጠናክሮ ሊቀጥል እንደሚገባ ተናግረዋል።ለዚህም አንዱ ማሳያ ዛሬ ስልጠናቸውን ያጠናቀቁት አይነስውራን መምህራን ዘመኑ ከሚፈልገው ቴክኖሎጂ ጋር ለማስተዋወቅ እንዲቻል ጃውስ(Jaws)በሚባል ሶፍትዌር በመታገዝ በድምጽ ኮምፒውተርን መጠቀም የሚያስችላቸውን ክህሎት እንዲያገኙ ተደርጓል ብለዋል"

ስልጠናው ባለፉት ሁለት ተከታታይ ክረምት በተመሳሳይ መልኩ የተሰጠ መሆኑን አስታውሰው የዘንድሮው ለሶስተኛ ጊዜ የተሰጠ ሲሆን በቀጣይም ከዩኒቨርሲቲው ጋር በቅርበት በመስራት አሁን ካለው ቁጥር በላይ ለማሰልጠን እቅድ መያዙንም ጨምረው ገልጸዋል።
በአዲስ አበባ ዩኒቨርሲቲ የተማሪዎች አገልግሎት ዳይሬክቶሬት ዳይሬክተር አቶ አሰፋ ወልደማርያም በበኩላቸው ይህንን ስልጠና ያጠናቀቁ መምህራን ያገኙትን እውቀትና ክህሎት ወደ ስራ ቦታቸው ሲመለሱ ወደ ተግባር በማውረድ ተማሪዎችን የሚረዱበት ዜጎችንም የሚያገለግሉበት እንዲሆንና ለዚህም ዩኒቨርሲቲው አስፈላጊውን የሶፍትዌር ድጋፍ እንደሚያደርግላቸወ ተናግረዋል።
በተለይም የምልክት ቋንቋ የሰለጠኑ መምህራን ያገኙትን እውቀት ለሌሎች መምህራን በማሰልጠን የምልክት ቋንቋ ተጠቃሚ የህብረተሰብ ክፍሎችን እንዲያገለግሉ ከአደራ ጭምር አሳስበዋል።

በስልጠናው ከዘጠኙም ክልሎችና ከሁለቱ ከተማ አስተዳደር የተውጣጡ 125 አይነስውራን መምህራን የኮምፒውተር አጠቃቀም እና 81 መምህራንና የትምህርት አመራሮች በምልክት ቋንቋ ሰልጥነዋል።



No comments yet. Be the first.
News

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡

የሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ተሰጠ

የትምህርት ሚኒስቴር ሥርዓተ ፆታ ጉዳዮች ዳይሬክቶሬት ከሚኒስቴር መስሪያ ቤቱ ሁሉም የሥራ ክፍሎች እና ከተጠሪ ተቋማት ለተውጣጡ ከፍተኛ ባለሙያዎች እየተሰጠ ባለው ስልጠና የሁለተኛ ቀን ውሎ በሥርዓተ-ፆታ ማካተትና ተቋማዊ ማድረግ መከታተያ፣ መመዘኛና በደረጃ የመለያ ማዕቀፍ ላይ ስልጠና ሰጠ ፡፡ ስልጠናውን የሰጡት በዳይሬክቶሬቱ የስርዓተ ፆታ ክትትልና ድጋፍ ከፍተኛ ባለሙያ የሆኑት አቶ ብርሃኑ አረጋ ሲሆኑ የዚህ ስልጠና ዋና አላማ በሚኒስቴር መስሪያ ቤታችን ያሉ የስራ ክፍሎች የሥርዓተ ፆታ እኩልነትና ሴቶችን ማብቃት ተቋማዊ ለማድረግ የሚያከናውኑትን ተግባራት በመመዘንና ተከታታይ ድጋፍ በመስጠት የሥርዓተ ፆታ እኩልነት በሁሉም ዘርፍ ለማረጋገጥ ብሎም የሀገራችንን የልማት ራዕይ ለማሳካት ነው ብለዋል፡፡

የመንግስታዊና ግብረሰናይ ድርጅቶች የጋራ ፎረም ውይይት ተካሄደ፡፡

ዛሬ ጥቅምት 20/2010 ዓ.ም በትምህርት ሚኒስቴር አዳራሽ መንግስታዊና መንግስታዊ ያልሆኑ ድርጅቶች በትምህርት ስልጠና ዘርፍ የ2010 ዓ.ም ዋና ዋና ዕቅዶች ላይ ተገናኝተው ውይይት አድርገዋል፡፡ በምክክር መድረኩ ተገኝተው የመድረኩን አላማ የገለጹት በትምህርት ሚኒስቴር የእቅድ ዝግጅትና ሃብት ማፈላለግ ዳይሬክቶሬት ዳይሬክተር አቶ ኤልያስ ግርማ የመድረኩ ዋና አላማ የትምህርት ሴክተሩ እቅድ አፈጻጸም ላይ ውይይት ማድረግ ነው ብለዋል፡፡