የትምህርት ሚኒስቴር ሰራተኞች በአዲስ ዓመት አቀባበል የንቅናቄ እቅድ ላይ ውይይት አካሄዱ፡፡

የትምህርት ሚኒስቴር ሰራተኞች በአዲስ ዓመት አቀባበል የንቅናቄ እቅድ ላይ ውይይት አካሄዱ፡፡

የሚኒስቴር መስሪያቤቱ መላው ሰራተኛ ፣መካከለኛና ከፍተኛ አመራሩ በተገኙበት በአዲስ አመት አቀባበል የንቅናቄ እቅድ ላይ ውይይት አድርገዋል፡፡
የንቅናቄ ዕቅዱን መነሻ የሚኒስቴር መስሪያ ቤቱ የኮሙዩኒኬሽ ጉዳዮች ዳይሬክቶሬት ዳይሬክተር የሆኑት / ሀረጓ ማሞ ያቀረቡ ሲሆን የዚህ እቅድ ዋነኛ ግብ የህዝብ ንቅናቄ በመፍጠር የተለያዩ ተግባራት በማከናወን አንድነትን በሚገነባ መንፈስ አዲሱን ዓመት ለመቀበል መሆኑን ገልፀዋል፡፡
የዚህ የህዝብ ንቅናቄ አስፈላጊነት መጪው ዘመን በብሔር ብሔረሰቦች መካከል የነበረንን መከባበር ፣መቻቻል፣የአንድነት እሴቶችን በማጠናከር በትምህርትና ስልጠና ዘርፉ የበለጠ የመነቃቃት ስሜት እንዲፈጠር ለማድረግ ነው፡፡ 2010. የትምህርት ዘመን ምቹና ሠላማዊ የመማር ማስተማር ሂደት እንዲቀጥልና ያለምንም እንከን ዘመኑ በውጤት እንዲጠናቀቅ እንዲሁም ተማሪዎች ካለፈው ትምህርት ዘመን በላቀ ደረጃ ለውጤት የበለጠ እንዲተጉ ለማድረግ፣ተማሪዎች ከመጪው የትምህርት ዘመን ብሩህ ተስፋ ሰንቀው ያለ አንዳች መንጠባጠብ በነቂስ እንዲመዘገቡና እድሜያቸው ለትምህርት የደረሱ ህፃናትም ወደ ትምህርት ገበታ እንዲመጡ ለማድረግ በንቅናቄ ወደ ተግባር መግባት አስፈልጓል ብለዋል፡፡
አቅራቢዋ አክለውም የእቅዱ ዋና ዋና ተግባራት ያሉትን ዘርዘር አድርገው ያቀረቡ ሲሆን እነሱም የአረንጓዴ ልማትን ለማጠናከር የችግኝ ተከላ ማከናወንና ቀደም ብለው የተተከሉትንም ችግኞች መንከባከብ፣ለአቅመ ደካማ አረጋውያን፣ወላጆቻቸውን ያጡ ህፃናትና እነዲሁም ጎዳና ተዳዳሪዎችን መንከባከብና ድጋፍ ማድረግ ፣ለመጭው የትምህርት ዘመን በወጣው የትምህርት ጊዜ ሰሌዳ መሰረት የትምህርት ምዝገባ ማካሄድና ትምህርታቸውን እንዲከታተሉ መስራት፣የሚኒስቴር መስሪያቤቱ አመራሮችና ሰራተኞች አካባቢያቸውን ማጽዳትና መንከባከብ፣የተቋማት ተጠሪ ተቋማት አመራሮችና ሰራተኞች የደም ልገሳ ማካሄድ፣ብሔራዊ ሙዚየምን ጨምሮ ሀገራዊና ታሪካዊ ቅርሶችን መጎብኘትና የመልካም ምኞት መግለጫ ፖስት ካርድ በማዘጋጀት ናቸው ብለዋል፡፡
ይህንን ስራ ለመስራት አብይ ኮሚቴና የተለያዩ ንዑሳን ኮሚቴዎች የተዋቀሩ ሲሆን የተዋቀረው ኮሚቴም ከተሰጠው ተልዕኮ አንፃር የራሱን እቅድ በማውጣት ወደ ተግባር እንዲገባ እንዲሁም የየኮሚቴ አፈፃፀሙ በየሁለት ቀኑ የሚገመገምበት አቅጣጫ መቀመጡን አመላክተው እያንዳዱ ተግባር መቼ መቼ ይፈፀማል የሚለውን በዕቅዱ የተቀመጠውን ድረጊት መርሃ ግብር ለውይይት አቅርበዋል፡፡
የቀረበውን ዕቅድ መነሻ በማድረግ ሰራተኞች የተለያዩ ጥያቄዎችንና አሰተያየቶችን አንስተዋል፡፡ ከተነሱት ጥያቄዎችና አስተያየቶች መካከል የትምህርት ጥራትን ስለ ማስጠበቅ፣ስለተማሪዎች ስነ ምግባር ኩረጃን በተመለከተ እዲሁም የበጎ አድራጎት ዘላቂነትን የተመለከቱና የመሳሰሉት ጉዳዮች ተነስተው ምላሽ ተሰጥቶባቸዋል፡፡
በእለቱ በንቅናቄ እቅዱ አስፈላጊነት ላይ እንዲሁም ከሰራተኛው ለተነሱት ጥያቄና አሰተያየት ላይ ሀሳብ የሰጡት የትምህርት ሚኒስቴር ሚኒስትር የተከበሩ / ጥላዬ ጌቴ ኢትዮጵያ ሀገራችን ቀደምት ታሪክ ያላት፣የብሔርና ብሔረሰቦች እና የሀይማኖት መቻቻል ያለባት፣ለጥቁር አፍሪካውያን የነፃነት ፋናወጊ በቅኝ ግዛት ያልተገዛች፣በአሁኑ ወቅትም በአለም በከፍተኛ ፍጥነት እያደጉ ካሉ ጥቂት ሀገራት መካከል አንዷ ሀገር መሆኗን ገልጸው ለዚህ የንቅናቄ ስራ በብሔራዊ ደረጃ ኮሚቴ ተዋቅሮ የሚከናወን መሆኑ ጠቁመው አዲሱን ዓመት በተነቃቃና በአንድነት መንፈስ ለመቀበል ሁሉም ሰራተኛ በበጎ አድራጎት ተግባር ሊሳተፍ እንደሚገባ አስገንዝበዋል፡፡
ለተነሱ ሀሳቦች ምላሽ ሲሰጡ የትምህርት ጥራትን ማስጠበቀ መደበኛ ሥራችን መሆኑንና ካለፉት ጊዜያት የበለጠ አጠናክረን የምንሠራበት ዋነኛ አጀንዳችን ሲሆን ንቅናቄው ለዚህ ዓለማ ስኬት መሠረትና መነሻ በመሆን ህዝቡን ከጎናችን በማሰለፍ ከፍተኛ አስተዋጽኦ እንደሚያበረክት ገልጸው የመደበኛ ሥራውን አስመልክቶ ራሱን ችሎ ውይይት የሚደረግበት እንደሚሆን ግጸዋል' ክቡር ሚኒስትሩ አክለውም ለዚህም ቅድመዝግጅ እየተደረገ እንደሚገኝና በትምህርትና ሥልጠና ዘመኑ መጀመሪያ ላይ ከፌዴራል እስከ ትምህርት ቤት ድረስ የሚወርድ ውይይት የሚደረግ መሆኑን ጠቁመዋል፡፡
በመጨረሻም የተዋቀረው ኮሚቴ ኃላፊነቱን በሚገባ እንዲወጣና ሰራተኞች የበጎ አድራጎት ስራዎች ላይ በንቃት እንዲሳተፍና ይህ የበጎ አድራጎትና ፍቃደኝነት ተግባራት ከመደበኛ ስራ ጎን ለጎን አመቱን ሙሉ በዘላቂነት ማስቀጠል እንደሚገባ በማሳሰብ ውይይት መድረኩን አጠቃለዋል፡፡


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡