አስራ አንድ አዳዲሰ ዩኒቨርስቲዎቸ በመጪው የትምህርት ዘመን-አዲስ ተማሪዎችን ተቀብለው ስራ እንደሚጀምሩ ተገለፀ

አስራ አንድ አዳዲሰ ዩኒቨርስቲዎቸ በመጪው የትምህርት ዘመን-አዲስ ተማሪዎችን ተቀብለው ስራ እንደሚጀምሩ ተገለፀ

በትምህርት ሚኒስቴር የከፍተኛ ትምህርት ዘርፍ ሚኒስትር ደኤታ ክቡር ዶክተር ሳሙኤል ክፍሌ ዛሬ በሰጡት መግለጫ መንግስት የከፍተኛ ትምህርትን ለማስፋፋት በከፍተኛ ወጪ ካስገነባቸው አስራ አንድ ዩኒቨርስቲዎች መካከል የኦዳ ቡልቱምና የሰላሌ ዩኒቨርስቲዎች ቀደም ብለው ስራ ጀምረዋል፡፡
በመገንባት ላይ ያሉት ዘጠኝ አዳዲስ ዩኒቨርስቲዎችም ከአዲሱ 2010 የትምህርት ዘመን ጀምሮ አዳዲስ ተማሪዎችን ተቀብለው ማስተናገድ እንደሚጀምሩ የከፍተኛ ትምህርት ዘርፍ ሚኒስትር ደኤታው ተናግረዋል፡፡
በትምህርት ዘመኑ ማስተማር የሚጀምሩት ዩኒቨርስቲዎች የራያ ፣የእንጅባራ፣የደባርቅ፣የመቅደላ አምባ፣የቦንጋ፣የወራቤ፣የጅንካ፣የቀብሪ ደሀር እና የደምቢ ዶሎ ዩኒቨርስቲዎች ናቸው፡፡
ከሀገሪቱ የመንግስት ከፍተኛ የትምህርት ተቋማት በዚህ ዓመት 125ሺህ 433 ተማሪዎች በመጀመሪያ ፣በሁለተኛና በሦስተኛ ዲግሪ መርሀ ግብር ትምህርታቸውን አጠናቀው ከተመረቁት መካከል 31 በመቶ ያህሉ ሴቶች መሆናቸውንም ሚኒስትር ደኤታው ገልፀዋል፡፡
ዶክተር ሳሙኤል አክለውም በዘንድሮ ዓመት 236 ተማሪዎች በፒኤች የተመረቁ ሲሆን በመጀመሪያ ዲግሪ የተመረቁ ተማሪዎች ብዛት ከአምናው ጋር ሲነጻጸር 15 ሺህ ብልጫ እንዳለው አመልክተዋል፡፡
በየዓመቱ ከፍተኛ ትምህርት ተቋማት ተመርቀው የሚወጡ ተማሪዎች አገሪቱ በምታካሂደው ኢኮኖሚያዊ፣ማህበራዊና ፖለቲካዊ አንቅስቃሴዎች የበኩላቸውን ድርሻ በማበርከት ላይ እንደሚገኙም ሚኒስትር ደኤታው ተናግረዋል፡፡


News

የዩኒቨርሲቲ ተማሪዎች ለኤች አይቪ/ኤድስ ተጋላጭነት፤

የከፍተኛ ትምህርት ተቋማት የኤችአይቪ/ኤድስና ተያያዥ ጉዳዮች ዕቅድ አተገባበርና ውጤት በሚል ርዕሥ በአዳማ ከተማ ውይይት እየተደረገ ይገኛል፡፡ የትምህርት ሚኒስቴር ደኤታ አቶ ተሸማ ለማ በመድረኩ መክፈቻ ንግግራቸው እንደ ገለጹት በዚህን ሰዓት በሀገራችን 28 ሚሊዮን ማለትም ከ1/3ኛ በላይ ዜጎች በትምህርት ገበታ ላይ የሚገኙና ከእነዚህም በአፍላ ዕድሜ ክልል ውስጥ ያሉት አምራች ሃይል የሆኑት ወጣቶች ለኤችአይቪ/ኤድስ በሽታ ተጋላጭ እንደሆኑ ገልጸዋል፡፡ ዩኒቨርሲቲዎችም ተማሪዎች በሲስተር-ሲስተር፣ አቻ ለአቻ፣ የህይወት ክህሎት ፕሮግራሞች እንዲመካከሩ፣ የማስተባበሪያ አደረጃጀቶች እና ክበባትን ማቋቋም፣መርሀ-ግብር ማዘጋጀትና በዕቅድ አካተው የተሰራ ቢሆንም ተጋላጭነቱን ለመግታት የባህሪይ ለውጥ አሁንም አለመምጣቱን ገልጸዋል፡፡

የትምህርት ሚኒስቴር ሰራተኞች በ2010 በጀት ዓመት እቅድ አፈፃፀም ላይ ተወያዩ፤

የኢ.ፌ.ዴ.ሪ. ትምህርት ሚኒስቴር በ2010 በጀት ዓመት በቁልፍና አበይት ተግባራት ያከናወናቸውን ተግባራት የሚኒስቴር መስሪያ ቤቱ ከፍተኛ አመራሮችና መላው ሰራተኞች በተገኙበት ገምግሟል ፡፡ በግምገማው በርካታ ስኬታማ ስራዎች ቢሰሩም ከትምህርት ጥራት፣ ከትምህርት ግብዓት ማሟላት እንዲሁም ከባለሙያዎች ክህሎት ማነስ ጋር የተያያዙ መጠነ ሰፊ ችግሮች የነበሩበት በመሆኑ ሚኒስቴር መስሪያ ቤቱ ሪፎርም ማድረግ እንደሚገባውም ተጠቅሷል፡፡

የኢፌዲሪ ጠቅላይ ሚኒስትር ከከፍተኛ ትምህርት ተቋማት መምህራን ጋር ያደረጉት ውይይት፡

ተሳታፊ መምህራን ከ45ቱ የመንግስትና ከ4ቱ የግል ከፍተኛ ትምህርት ተቌማት የተውጣጡ 3ሺ175 ያህል ናቸው። በውይይቱም በርካታ ጥያቄዎች የተነሱ ቢሆንም ለተነሱት ጥያቄዎች የመምህርነት ሙያ የተከበረ እንደሆነና በቀጣይ በትምህርት ዘርፉ ለሚያጋጥሙና ለሚስተዋሉ ችግሮች መምህራን እና የከፍተኛ ትምህርት ተቌማት አመራር በጋራ ችግሮችን መፍታት እንደሚገባ ጠ/ሚኒስትሩ ገልፀዋል።

የሐረማያ ዩኒቨርሲቲ ተማሪዎች ምርቃት፡

የሐረማያ ዩኒቨርሲቲ በመደበኛና በተከታታይ መርሃ-ግብር 8,152 ተማሪዎችን በዩኒቨርሲቲው ቅጥር ግቢ ሐምሌ 7/2010 ዓ.ም አስመርቋል፡፡ በምረቃ ስነ-ስርዓቱ ላይ ክብርት ወ/ሮ ጠይባ ሐሰን የኦሮሚያ ብሔራዊ ክልላዊ መንግሥት ምክትል ፕሬዝዳንት በክብር እንግድነት የተገኙ ሲሆን ለተመራቂዎችም የስራ መመሪያ መልዕክት አስተላልፈዋል፡፡