ዜናዎች ዜናዎች

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ... ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች  የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ሚያዝያ 27/2009 በተዘጋጀው ሥነ-ሥርዓት ላይ አሥር ሴት ተማሪዎች፣ ሦስት መምህራን እና ሁለት መካከለኛ አመራሮች ከትምህርት ሚኒስቴር የተበረከተላቸውን ዴል ላፕቶፕ ኮምፒዩተር በትምህርት ሚኒስቴር የሥርዓተ ጾታ ዳይሬክተር ከሆኑት ከወ/ ኤልሳቤጥ ገሠሠ እና በዩኒቨርሲቲው የትምህርት ጉዳዮች ምክትል ፕሬዝዳንት ከዶክተር ይለማሪያም ብርቄ እጅ ተቀብለዋል።

 

ክተር ይለማሪያም ብርቄ በሽልማት ሥነ-ሥርዓቱ ላይ  ባደረጉት የመክፈቻ ንግግር በዚህ የትምህርት መስክ ውስጥ ከመሳተፋቸውም በላይ ከፍተኛ ውጤት ያስመዘገቡ ሴት ተማሪዎችና ሴቶቹ ውጤታማ እንዲሆኑ አርኣያነት ያለው ከፍተኛ ሥራ ለሠሩ መምህራንና አመራሮች እንኳን ደስ አላችሁ በማለት ሴት ተማሪዎችም ለሌሎች በቀጣይ ወደ ከፍተኛ ትምህርት የሚቀላቀሉ ሴት አህቶቻቸውና በአሁኑ ወቅት በመማር ላይ ያሉ ጓደኞቻቸው እንደ እነሱ ውጤታማ እንዲሆኑ የአርኣያነት ሚናቸውን መወጣት እንደሚጠበቅባቸው አስገንዝበዋል። ሴት ተማሪዎችን፣መምህራንና ሠራተኞችን ደግፈው ውጤታማ እንዲሆኑ ያደረጉ መምህራንና አመራሮችም ከራሳቸው አልፈው ይህንን አርኣያነት ያለውን መልካም ልምዳቸውን ወደ ጓደኞቻቸው፣የትምህርት ክፍላቸውና ኮሌጃቸው በማስፋት ቀጣይነት ባለው መልኩ ከነዚህም በላይ በርካቾች ውጤታማ እንዲሆኑ ኃለፊነታቸውን እንዲወጡ አሳስበዋል። / /ማሪያም  የትምህርት ሚኒስቴር የሥርዓተ ጾታ ዳይሬክቶሬት ይህን መሰል ማበረታቻ በማዘጋጀቱ ያለውን አድናቆትና ምስጋና በራሱና በዩኒቨርሲቲው ስም አቅርበዋል።

 

/ ኤልሳቤጥ ገሠሠ በሽልማት ሥነ-ሥርዓቱ መክፈቻ ወቅት አጠቃላይ መርሃ-ግብሩን በተመለከተ ባደረጉት ንግግር ይህ የሽልማት መርሃ ግብር ከየትውልዱ 2008 በጀት አመት በእእቅድ አፈጻጸማቸው አንደኛ በወጡት ሦስት ዩኒቨርሲቲዎች ላይ የሚካሄድ መሆኑንና በዚሁ መሠረት ዩኒቨርሲቲው 2008 በጀት ዓመት እቅድ አፈጻጸሙ የራሱ ትውልድ ከሆኑት ከሁለተኛ ትውልድ ዩኒቨርሲቲዎች መካከል የአንደኝነት ደረጃን ተጎናጽፎ 26ኛው የትምህርትና ሥልጠና ጉባኤ በመሸለሙ እንደሆነ ገልጸዋል። ሽልማቱም በነዚህ ውጤታማ ዩኒቨርሲቲዎች ላይ መሠረት አድርጎ እንዲካሄድ የተፈለገበት ዋነኛ ምክንያት በሁለንተናዊ የዩኒቨርሲቲዎች ስኬት ውስጥ የሴቶች ድርሻ ምን ያህል እንደ ሆነ ለማየትና የበለጠ እንዲጠናከር ለማድረግ እንደሆነ አስገንዝበዋል። መርሃ ግብሩ ከዚህ ቀደም በሁሉም ትምህርት መስኮች ላይ ከፍተኛ ውጤት ያስመዘገቡ ውጤታማ ሴት ተማሪዎችን ላይ በማተኮር ሲካሄድ የነበረ መሆኑን ገልጸው በአሁኑ ወቅት በማህበራዊ ሳይንስ የትምህርት መስክም ቢሆን የሴቶች ትምህርት ተሳትፎና ውጤታማነት የሚፈለገው ደረጃ ላይ ደርሷል ባይባልም የተፈጥሮ ሳይንስና ምህንድስና የትምህርት መስክ ያህል የከፋ እንዳልሆነ አስገንዝበዋል። በወቅታዊ የሀገራችንን የሰው ኃይል ፍላጎት መሠረት 7030 የተማሪዎች ቅበላ አንጻር ከመቶ ተማሪዎች 70ዎቹ ገብተው እየተማሩ ባሉበት በዚህ በርካታ ተማሪዎችን በሚያቅፍ መስክ ላይ ሴቶች አይችሉትም በሚል ኋላ ቀር አስተሳሰብ ምክንያት በመስኩ ላይ የሴቶች ተሳትፎ እጥረት እጅግ በጣም የከፋ ደረጃ ላይ የሚገኝ በመሆኑና እዚህ መስክ ላይ ትኩረት ሰጥቶ አለመሥራት አጣቃላይ ሀገራዊ የከፍተኛ ትምህርት የሴቶች ተሳትፎንና ፍትሃዊ የኢኮኖሚ ተጠቃሚነትንም ስለምጎዳ ጭምር ይህ ተሳትፎ ወደሚፈለገው ደረጃ አስክደርስ ድረስ በዚህ መስክ ላይ ብቻ አትኩረው እንዲሠሩ ነበራዊ ሁኔታው ያስገደዳቸው መሆኑን አብራርተዋል።

 

ይህ የሽልማት መርሃ-ግብር ለአሥር ሴት ተማሪዎች፣ለሦስት መምህራንና ለሁለት አመራር በድምሩ 15 ታታሪና ውጤታማ ሰዎች እውቅና ከመስጠት በተጨማሪ ከያንዳዳቸው በስተጀርባ ያሉትን በርካታ ሰዎች ለማነሳሳት ያለመ እንደሆነ ገለጸው ከዚህ በኋላ ሴት ተማሪዎች በሆነ የትምህርት መስክና ክፍል ተሳትፈው ከከፍተኛ ትምህርት ተቋማት መመረቃቸውን ብቻ እንደውጤታማነት እየቆጠርን የሚንዘናጋበት ሁኔታ ተለውጦ የሴቶች ውጤታማነት የሚለከው ሴቶች ከወንዶች እኩል በሁሉም የትምህርት መስክና ክፍል ገብተው ከመመረቃቸውም በተጨማሪ ባስመዘገቡት ውጤት ሊሆን እንደሚገባ አሳስበዋል።

 

በሥነ-ሥርዓቱ ላይ ከውጤታማ ሴት ተማሪዎች መካከል አራቱ የአጠናን ሥልታቻውንና ሌሎች ስኬታማ የሆኑባቸውን መልካም ልምዶች ለታዳሚ ተማሪዎች አካፍለዋል። የዩኒቨርሲቲው የሥርዓተ ጾታና ባለዘርፈ ብዙ ጉዳዮች ዳይሬክቶሬት 2009 በጀት ዓመት የዘጠኝ ወራት የእቅድ አፈጻጸም ሪፖርት የሥራ ክፍሉ ዳይሬክተር በሆኑት በወ/ ሃይማኖት ብችል ቀርቧል። የተሸላሚ መምህራንና አመራሮች ዋና ዋና ሥራዎች በአዘጋጁ ክፍል አማካኝነት ቀርበዋል።



No comments yet. Be the first.
ዜናዎች

የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተና (የ12ኛ ክፍል) ከግንቦት 28 እስከ ሰኔ 1 2009 ዓ.ም. ይሰጣሉ

የትምህርት ሚኒስቴር የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተናዎች (የ12ኛ ክፍል) ከግንቦት 28 እስከ ሰኔ 1 2009 ዓ.ም. እንደሚሰጡ ገለጸ፡፡ የፈተናው አጠቃላይ ዝግጅት የተጠናቀቀ ሲሆን በሀገሪቱ ለሚገኙ ተፈታኞች 3,467 የፈተና ጣቢያዎች ተዘጋጅተዋል፡፡ በዚህ ዓመትም ከ1.2 ሚሊየን በላይ የ10ኛ ክፍል እንዲሁም ከ288ሺህ በላይ የ12ኛ ክፍል ተፈታኞች ይኖራሉ ተብሎ ይጠበቃል፡፡

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ.ፌ.ዲ.ሪ ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ...

ትምህርት ሚኒስቴር የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር ውይይት አካሄደ

ሚኒስቴር መሥሪያ ቤቱ ከመንገድ ትራንስፖርት ሚኒስቴር ጋር በመተባበር “ከትራፊክ አደጋ የጸዳ የትራንስፖርት አገልግሎት ለሀገራዊ ህዳሴ“ በሚል ሀገራዊ መሪ ቃል በሀገር ደረጃ የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር የምክክር መድረክ ያካሄደው በሚኒስቴር መሥሪያ ቤቱ የመሰብሰቢያ አደራሽ ሚያዝያ 20/2009 ዓ∙ም ነበር። የኢፌዲሪ ትምህርት ሚኒስቴር ሚስትር ዴኤታ የሆኑት የተከበሩ ዶ/ር ጥላዬ ጌቴ መድረኩን በእንኳን ዳህና መጣችሁ ንግግር በከፈቱበት ወቅት እንደተናገሩት የትራፊክ አደጋን ከምንጩ በመቀነስ የህዝባችንን ህይወት፣አካልና ንብረት፤እንዲሁም የሀገሪቱን ሀብት ከጥፋት ለመታደግ መላው ህብረተሰብ በትራፊክ ደህንነት ዙሪያ በባለቤትነት ስሜት እንድንቀሳቀስ ማድረግና ከዚህ አንጻር ዜጎችን በመልካም ሥነ-ምግባር መቅረፅ በአሁኑ ወቅት እጅግ በጣም አንገብጋቢ ጉዳይ መሆኑን ገልጸዋል። በአሁን ወቅት በትምህርት ዘርፉ ውስጥ በተለያዩ የትምህርት እርከኖች ላይ 30 ሚሊዮን የሚጠጉ ተማሪዎች፣ከግማሽ ሚሊዮን በላይ የሚሆኑ መምህራን፣ከተማሪዎች በስተጀርባ ያሉ በርካታ ወላጆችና መደበኛ ባልሆነ የተቀናጀ የጎልማሶች ትምህርት ላይ እየተሳተፉ ያሉ በርካታ ሠልጣኞች እንዳሉ ጠቅሰው ከሌሎች ባለድርሻ አካላት ጋር በሚገባ በመቀናጀት ከዚህ በፊት ሲሠራ ከነበረው ይበልጥ ሥራውን በማስፋትና በማጠናከር ከተሠራ በሀገር ደረጃ መሠረታዊ ለውጥ ማምጣት እንደሚቻል አስገንዝበዋል።

በሙያ ፍቃድ የምዘና ውጤት ትንተናና በመምህራን ትምህርት ኮሌጆች እውቅና አሰጣጥ ስታንዳርዶች ዙሪያ ምክክር መድረክ ተካሄደ

ሀገራችን የሙያ ፍቃድ አሰጣጥና እድሳት ስርዓት በመዘርጋት የመምራን፣ የርዕሰ መምህራንና የሱፐርቫይሮች ሙያዊ ብቃት ምዘና ሂደትን በወጥነት ለመተግበርና በሙያ ፍቃድ አሰጣጥ የአደረጃጀቶችን ሚናና የፈጻሚ ባለድርሻ አካለላትን ተግባርና ኃላፊነት ለይቶ ለማሳወቅና ተጠያቂነትን ለማስፈን የሚየስችል የአሰራር ስርዓት ዘርግታ እየሰራች ትገኛለች፡፡ በሙያ ፍቃድ አሰጣጥ ስርዓት ውስጥ ሶስት የሙያ ፍቃድ አይነቶች አሉ፡፡ እነዚህም፦ አንደኛው የመጀመሪያ ሙያ ፍቃድ ለጀማሪ መምህራንና በትምህርት ተቋማት አመራርነት ሰልጥነው ወደሙያው ለሚገቡ እንዲሁም ለደረጃው የብቃት መመዘኛ ላሟሉ የሚሰጥ ፣ ሁለተኛው ሙሉ የሙያ ፍቃድ፥ ለአምስት አመት የሚያገለግል ሆኖ የመጀመሪያ ሙያ ፍቃድ በማግኘት ሲሠሩ ቆይተው ላጠናቀቁ የሚሰጥ ሲሆን የሦሥተኛው ደግሞ ቋሚ የሙያ ፍቃድ ነው፡፡ ይህ ፍቃድ ሙሉ የሙያ ፍቃድ ከያዙ በኋላ ለደረጃው የሚመጥን አገልግሎት አጠናቀው የሙያ ፍቃድ ብቃት መመዘኛ ላሟሉ መምህራን፣ ለርዕሰ መምህራንና ሱፐርቫይዘሮች የሚሰጥና በየአምስት አመት የሚታደስ ቋሚ የሙያ ፍቃድ ነው፡፡

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

Communication Address:

Tel: +251-11-156-14-94

Fax: