News News

የታዳጊ ክልሎችና የአርብቶ አደር ህብረተሰብ አኗኗርን መሰረት ያደረገ የትምህርት ማስተግበሪያ ሰነድ ተዘጋጀ

የኢፌዴሪ ትምህርት ሚኒስቴር የትምህርት ተሳትፎን፣ ጥራትን፣ ተጠቃሚነትንና ውጤታማነትን ይበልጥ ለማሳደግ ለታዳጊ ክልሎችና ለአርብቶ  አደር ህብረተሰብ አኗኗርን መሰረት ያደረገ በመከለስ ረቂቅ የትምህርት ማስተግበሪያ ሰነድ በመከለስ አዘጋጀ፡፡ 

 

በታዳጊ ክልሎችና አርብቶ አደር አካባቢ ትምህርት ተደራሽነትና ተጠቃሚነት በሚፈለገው ደረጃ ለማሳደግ የህብረተሰቡን አኗኗር መሰረት ያደረገ ሀገር አቀፍ የትምህርት ማስተግበሪያ   ሰነድ ዝግጅት  ተሻሻሎና ዳብሮ ወደ ትግበራ እንዲገባ ተደርጓል፡፡

በሚኒስቴር /ቤቱ የልዮ ድጋፍና አካቶ ትምህርት ዳይሬክቶሬት  ለሰነዱ መዳበር በሦሥት ዙር መድረክ ግብዓት የሚሆኑ አስተያየቶች መሰባሰባቸውን የሚታወስ ነው፡፡

 

በሚኒስቴር /ቤቱ የልዩ ድጋፍና አካቶ ትምህርት ዳይሬክቶሬት ዳይሬክተር አቶ መሐመድ አቡበከር አውደ ጥናቱን በንግግር በከፈቱበት ወቅት አንደተናገሩት መንግስት ለሁሉም ዜጎች ትምህርትን ለማዳረስ  በርካታ ስራዎች እየሰራ መሆኑን በመጠቆም  መድረኩ ታዳጊ ክልሎችና አርብቶ አደር አካባቢዎችን የትምህርት ተሳትፎና ተጠቃሚነት በሚፈለው ደረጃ ለማሳደግ ሰነዱ የበለጠ ለማዳበርና የመጨረሻ ቅርጽ ለማስያዝ ከባለድርሻ አካላት ጋር በመሆን ግብዓት ለማሰባሰብ ያለመ መሆኑን ተናግረዋል፡፡

 

እንደ አቶ  መሐመድ ንግግር ሰነዱ በሚፈለገው መልኩ ተግባር ላይ ከዋለ በገጠርና በከተማ፣ በሴትና በወንድ መካከል ያለውን ልዩነት ከማጥበብ ባሻገር ልዩ ፍላጎት ያላቸው ተማሪዎችን በፍላጎታቸው መሰረት ሊደግፍ የሚችል ነው ብለዋል፡፡

 

ማስተግበሪያ ሰነዱን መከለስ ያስፈለገበት ምክንያት ከስምንት አመት በፊት የነበረው ሰነድ ረጅም ጊዜ በማገልገሉ፣ የአርብቶ አደሩን ማህበራዊ፣ ለአርብቶ  አደር ህብረተሰብ አኗኗርን መሰረት ያደረገ የትምህርት አቀራረብ ስልቶች በመጨመር  ወቅቱ ጋር የሚጣጣም የትምህርት ስትራቴጂ ለመተግበርና ተጨማሪ አዳዲስ አስተሳሰቦችን ለማካተት እንዲሁም የመንግስት የልማት ግቦችንና ትኩረት አቅጣጫዎችን ለማሳከት ነው ብለዋል፡፡

 

ዳይሬክተሩ አክለውም ሰነዱ የታዳጊ ክልሎች፣ የአርብቶ አደር ማህበረሰብ አኗኗርን ያገናዘበ ሲሆን የተለያየ የትምህርት አቀራረብ ስልቶችን ለአብነትም የአማራጭ መሰራታዊ ትምህርት ማስፈጸሚያ ስልቶችን ያካተተ መሆኑን ገልጸዋል፡፡

 

 ሰነዱ በታዳጊ ክልሎችና አርብቶ አደር አካባቢዎች ከትምህርት ተሳትፎን፣ ከፍትሀዊነትንና ከጥራት ጋር ተያይዞ የሚነሱ ተግዳሮቶችን ሊፈታ የሚችል መሆኑን አቶ መሐመድ ተናግረዋል ፡፡

 

ይህ የጸደቀው  የታዳጊ ክልሎች፣ የአርብቶ አደርና የክፍል አርብቶ አደር የትምህርት ማስተግበሪያ ሰነድ የሀገራችን ትምህርትና ስልጠና ፖሊሲ ህጻናት በራሳቸው ቋንቋ እንዲማሩ ሕግ መንግስታዊ ዋስትና ማግኘታቸውን፣ በሀገር አቀፍ ደረጃ የተቀመጠውን  ራእይና የትምህርት ዘርፍ ልማት መርሃ ግብር ጋር የተጣጣመ ነው፡፡

 

በሚኒስቴር /ቤቱ የልዩ ድጋፍና አካቶ ትምህርት ዳይሬክቶሬት አማካሪ እና በአዳማ ሳይንስና ቴክኖሎጂ ዩኒቨርሲቲ መምህር  የሆኑት / ዚየን እንግዳሰው ሰነዱ ሰባት የማስተግበሪያ ግቦች እንዳሉ በመጥቀስ በውስጡ የተለያዩ የታዳጊ ክልሎችና የአርብቶ አደር አካባቢዎችን ያገናዘበ  ትምህርት አቀራረብ ስልቶች መካተታቸውንም ገልጸዋል፡፡

 

ተሳታፊዎች በበኩላቸው ሰነዱን ለማዳበር ቡድን፥ በቡድን ሆነው ለተከታታይ ሁለት ቀናት በጥልቀት ሲወያዩ ቆይትዋል፡፡ እነዚህ የምክክር መድረክ ተሳታፊዎች እንደገለጹት ለማስተግበሪያ  ሰነድ መሻሻል የታዳጊ ክልሎችና የአርብቶ አደር አካባቢዎችን የትምህርት ተሳትፎ፣ ፍትሃዊነት ተገቢነትና ጥራት በሚፈለው ደረጃ ለማድረስ  ጉልህ ጠቀሜታ እንዳለው ተናግረዋል፡፡

 

በአዲስ አበባ ከመጋቢት 26-27/2009 . በተካሄደው ምክክር መድረክ ከሚኒስቴር /ቤቱ ከክልልና ሁለቱም ከተማ አስተዳደር ትምህርት ቢሮዎች የተውጣጡ ኃላፊዎችና ባለሙያዎች ተሳትፈዋል፡፡



No comments yet. Be the first.
News

ከ2011 ዓ.ም ጀምሮ በከፍተኛ ትምህርት በሁሉም የትምህርት ዓይነቶች ለሚሰጠው የመውጫ ምዘና / EXIT EXAM / በተመለከተ የተሰጠ መግለጫ

በህክምናና በህግ ትምህርት ተሞክሮ ከፍተኛ ውጤት ያስገኘው የከፍተኛ ትምህርት የመውጫ ምዘና / EXIT EXAM / ከ2011 ዓ.ም ጀምሮ በሁሉም የትምህርት ዓይነቶች እንደሚካሄድ የከፍተኛ ትምህርት ዘርፍ ሚኒስትር ደኤታው ክቡር ዶክተር ሳሙኤል ክፍሌ አስታወቁ፡፡ የትምህርት ሚኒስትር ደኤታ ክቡር ዶክተር ሳሙኤል ክፍሌ ዛሬ ለጋዜጠኞች በሰጡት መግለጫ ከመጪው 2011 የትምህርት ዘመን ጀምሮ ተግባራዊ የሚደረገው የመውጫ ምዘና / EXIT EXAM / የከፍተኛ ትምህርት ምሩቃን በዩኒቨርስቲ ቆይታቸው ተፈላጊውን ዕውቀት ክህሎትና አመለካከት እንዲላበሱ ያስችላል፡፡

የነጭ ሪቫን ቀን ተከበረ

የኢ.ፌ.ዴ.ሪ. ትምህርት ሚኒስቴር የተጠሪ ተቋማትና የዋናው ጊቢ ሠራተኞች በአንድ ላይ የነጭ ሪቨን ቀን አከበሩ፡፡ የነጭ ሪቫን ቀን ‹‹ በሴቶች ላይ የሚደርሱ ጥቃቶቸን ለመከላከልና ለማስወገድ የወንዶች አጋርነትን ማጠናከር ›› በሚል የዓመቱ መሪ ቃል በአለም አቀፍ ደረጃ ለ26ኛ በሀገራችን ደግሞ ለ12ኛ ጊዜ ከህዳር 16-27 ተከብሮ ይውላል ያሉት በትምህርት ሚኒስቴር የስርዓተ-ጾታ ዳይሬክቶሬት ባለሙያ የሆኑት አቶ ብርሃኑ ናቸው፡፡

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ ተገለጸ

በከፍተኛ ትምህርት ተቋማት ለሚካሄዱ የትምህርትና ሥልጠና ሥራዎች ውጤታማነት ተማሪዎች፣ መምህራን ፣ወላጆችና ህብረተሰቡ ኃላፊነታቸውን በላቀ ደረጃ ሊወጡ እንደሚገባ የትምህርት ሚኒስትሩ ክቡር ዶ/ር ጥላዬ ጌቴ አስታወቁ፡፡ የከፍተኛ ትምህርት ተቋማት ህብረ-ብሔራዊነትና ኢትዮጵያዊነት የሚገነባባቸው ተቋማት እንጂ ተግባራቸው በጥቂት ችግር ፈጣሪዎች የሚስተጓጎል አለመሆኑንም ገለጹ 141ሺህ አዲስ ተማሪዎችን ጨምሮ ከ700 ሺህ በላይ ተማሪዎች በመንግስት ዩኒቨርስቲዎች በመማር ላይ መሆናቸውን ጠቁመዋል፡፡

ከ2011 የትምህርት ዘመን ጀምሮ በሁሉም የቅድመ ምረቃ ትምህርት መስኮች የብቃት መለኪያ አጠቃላይ ምዘና (የመውጫ ፈተና) ልተገበር ነው

ከ2011 የትምህርት ዘመን ጀምሮ በሁሉም የቅድመ ምርቃ ትምህርት መስኮች ተማሪዎች ከመመረቃቸው በፊት የብቃት መለኪያ አጠቃላይ ምዘና (የመውጫ ፈተና) ወስደው አጥጋቢና ከዚያ በላይ ውጤት ማስመዝገብ እንደሚጠበቅባቸው የኢ.ፌ.ዴ.ሪ ትምህርት ሚኒስቴር አስታወቀ። የከፍተኛ ትምህርት ጥራትን በተለይም የምሩቃንን ብቃትና ተወዳዳሪነት ለማረጋገጥ ተማሪዎች ትምህርታቸውን ካጠናቀቁ በኋላ አጠቃላይ ምዘና ወይም የመውጫ ፈተና መስጠት የምሩቃንን ዕውቀት፣ ክህሎትና አመለካከት ለመመዘን የላቀ ሚና ከመጫወቱም በተጨማሪ የተመራቂ ተማሪዎች በራስ መተማመን ያጎለብታል፡፡

የምርምርና የፈጠራ ስራ ውድድር ኤግዚቪሽን ተካሄደ

የሂሳብና ሣይንስ ትምህርቶች ማሻሻያ ማዕከል ከስቴምስ ሲነርጂ ፣ከዩኔስኮ እና ከኢትዮጵያ ሣይንስ አካዳሚ ጋር በመተባበር "በሣይንስና ቴክኖሎጂ ፈጠራ የበለፀገ ህብረተሰብ ለዘላቂ ሠላምና ልማት "በሚል መሪ ቃል አገር አቀፍ የምርምርና ፈጠራ ስራ ውድድር ኤግዚቪሽን በኢትዮጵያ ሣይንስ አካዳሚ ተካሄደ፡፡ የምርምርና የፈጠራ ስራ አውደ- ርዕይ መከፈቱን አስመልክቶ የእንኳን ደህና መጣችሁ መልዕክት ያስተላለፉት ፕሮፌሰር ማስረሻ ፈጠነ የኢትዮጵያ ሣይንስ አካዳሚ ዋና ዳይሬክተር ሲሆኑ የኢትዮጵያ ሣይንስ አካዳሚ የኢትዮጵያን ሣይንስ ለማበልፀግ የተቋቋመ መሆኑን አስታውሰው ይህ ማዕከል የህብረተሰቡን የሳይንስና ቴክኖሎጂ ፈጠራ እንዲሁም ቴክኖሎጂን የመጠቀም አቅሙን ለማጎልበት ለማስተማርና የሣይንስ ፖርሽን ለመፍጠር የተሰራ ሲሆን ቋሚ የሳይንስ ማዕከል ለመፍጠር ሰፊ እንቅስቃሴ እየተደረገ ነው፡፡ በመሆኑም በቅርቡም የሳይንስ ማዕከሉ ወደ ስራ ይገባል በዚህም ወጣቱ ወደ ሣይንስ በሄደ ቁጥር የሀገራችን ተስፋ እየለመለመ ይሄዳል ብለዋል፡፡