News News

የትምህርት ቤት ጤናና ምግብ ፕሮግራም ትግበራ ተጠናክሮ መቀጠል እንደሚገባ ተገለጸ

ይህ የተገለጸው የኢፌዴሪ ትምህርት ሚኒስቴር ከዓለም አቀፍ ለህፃን  ዕድገት አጋር ድርጅት (The Partnership for Child Development, PCD) ጋር በመተባባር ባዘጋጀው መድረክ ነው፡፡

 

ሚኒስቴር /ቤቱ ፕሮግራሙን የበለጠ ውጤታማ ለማድረግ  መጋቢት 04/07/2009 .ጤናማ መሆን ለመማር ለመማር ጤናማ መሆን የትምህርት ቤት ጤናና ምግብ ማሳደግበሚል መሪ ቃል ዓለም አቀፍ የልማት አጋር ድርጅቶች ጋር በመተባበር የአንድ ቀን ምክክር አውደ ጥናት አካሂዷል፡፡

 

ፕሮግራሙ በመጀመሪያ ደረጃ የሚማሩ ህፃናት በምግብ እጥረትና በተለያዩ በሽታዎች ምክንያት ከትምህርት ገበታቸው እንዳይቀሩና እንዳያቋሪጡ  ብሎም ትምህርታቸውንም በትኩረት እንዲከታተኩ የጎላ ሚና አለው፡፡

 

በየሚኒስቴር /ቤቱ  የትምህርት ቤት መሻሻል ፕሮግራም ዳይሬክቶሬት ዳይሬክተር አቶ ያሳቡ ብርቅነህ የአጠቃላይ ትምህርት ዘርፍ ሚኒስቴር ዴኤታን በመወከል የመድረኩ መክፈቻ ንግግር ባደረጉበት ወቅት እንደተናገሩት ተማሪዎች በአካላልና በአዕምሮ ዕድገት የተሸለ ሆኖ እንዲወጡ  የትምህርት ቤት ጤናና ስነ ምግብ ፕሮግራም ወሳኝ መሆኑን ተናግረዋል፡፡

 

በመረጃ የተደገፈ የትምርት ቤት ጤናና ምግብ ድጋፍ ማጠናከር፥   በመላው ሀገሪቱ የትምህርት ዘርፍ ልማት እቅዶችና ፖሊሲ  ለማሳካት የተረጋጋ፣ ወጪ ቆጣቢ እንዲሁም  ለረጅም ጊዜ የሚያገለግል  መርሃ ግብር መቅረፅ ነው ብለዋል አቶ ያሳቡ፡፡

 

እንደ ዳይሬክተሩ ንግግር  የተማሪዎች ትምህርት ውጤትና የመማር ፍላጎት ይበልጥ ለማሳደግ  ሚኒስቴር /ቤቱ ከፌዴራል ጤና ጥበቃ ሚኒስቴር ከግብርናና የተፈጥሮ ሀብት ሚኒስቴር እንዲሁም ከውኃና ኤልክትሪክ ሚኒስቴር ጋር በመተባበር የተማሪዎች የመማር ሂደት የሚያሳኩ ጤናና  የምግብ ድጋፍ ለማድረግ በቅንጅት እየሰራ መሆኑን ጨምሮ ጠቁመዋል፡፡  

 

በሚስቴር /በቱ የትምህርት ቤት መሻሻል ፕሮግራም ዳይሬክቶሬት አማካሪ የሆኑት አቶ በረከት አከለ የትምህርት ቤት ጤናና ምግብ ፕሮግራም በተመለከተ የባንኮክ ተሞክሮ ባቀረቡበት ወቅት እንደገለፁት የተቀናጀ የትምህርት ቤት ጤናና የምግብ ፕሮግራም የተማሪዎችን የትምህርት ውጤት ከመደገፍ በተጨማሪ  ትምህርት ቤት ጤናና ምግብ ጋር የተያያዘ የትምህርት ማህበረሰብ ግንዛቤ ማደግ እንደሚገባ ተናግረዋል፡፡

 

በቀጣይነትም ለፕሮግራሙ ተግባራዊነት የቅንጅት ስራዎች በተለይም ሚነስቴር /ቤቱና የፌዴራል ጤና ጥበቃ ሚኒስቴር በየደረጃው ያሉ የመንግስት መዋቅሮች እንዲሁም ከልማት አጋ ድርጅቶች ጋር በመተባበር በመድረኩ የተነሱ ክፍተቶች ለመሙላት ሁሉም የድርሻውን መወጣት እንዳለበት አስገንዝበዋል፡፡

 

የዓለም አቀፍ ለህፃን  ዕድገት አጋር ድርጅት ፕሮግራም (PCD) ስራ አስካጅ ወሮ ለውራ አፕለባይ በአግባቡ የተቀረፀ የትምህርት ቤት ጤናና ምግብ ፕሮግራም ወጪ ቆጣቢና ውጤታማ መሆኑን በመናገር የሀገር በቀል የትምህርት ቤት ምገባ የተማሪዎች ውጤትን ከማሻሻል ባሻገር የግብርና ምርት ገበያ ለማሳደግ እንደሚረዳም ገልጸዋል፡፡

 

የትምህርት ቤት ጤናና ምግብ ፕሮግራም አተገባበሩ ላይ ያጋጠሙ መልካም ግኝቶች ችግሮችና የትኩረት አቅጣጫዎች የሚያሳዩ  ጥናቶች እንዲሁም የውጭ ሀገር ተሞክሮዎች ቀርቦ ውይይት ተደርጎበታል፡፡

 

በመድረኩ ከሚኒስቴር /በቱ፣ ከፌዴራል ጤና ጥበቃ ሚኒስቴርና ከክልል ትምህርት ቢሮ  እንዲሁም ከዓለም አቀፍ የልማት ድርጅቶች የተውጣጡ ኃላፊዎች፣ ባለሙያዎችና የትምህርት ቤት ጤናና ምግብ ፕሮግራም ተጠሪዎች ተሳትፈዋል፡፡



No comments yet. Be the first.
News

የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተና (የ12ኛ ክፍል) ከግንቦት 28 እስከ ሰኔ 1 2009 ዓ.ም. ይሰጣሉ

የትምህርት ሚኒስቴር የ2009 ዓ.ም የሁለተኛ ደረጃ መልቀቂያ (የ10ኛ ክፍል) ብሔራዊ ፈተና ከግንቦት 23- 25 እንዲሁም የከፍተኛ ትምህርት ተቋም መግቢያ ፈተናዎች (የ12ኛ ክፍል) ከግንቦት 28 እስከ ሰኔ 1 2009 ዓ.ም. እንደሚሰጡ ገለጸ፡፡ የፈተናው አጠቃላይ ዝግጅት የተጠናቀቀ ሲሆን በሀገሪቱ ለሚገኙ ተፈታኞች 3,467 የፈተና ጣቢያዎች ተዘጋጅተዋል፡፡ በዚህ ዓመትም ከ1.2 ሚሊየን በላይ የ10ኛ ክፍል እንዲሁም ከ288ሺህ በላይ የ12ኛ ክፍል ተፈታኞች ይኖራሉ ተብሎ ይጠበቃል፡፡

የትምህርት ሚኒስቴር በተፈጥሮ ሳይንስና ምህድስና ትምህርት መስክ ከፍተኛ ውጤት ያስመዘገቡ ሴት ተማሪዎችን ሸለመ

የኢ.ፌ.ዲ.ሪ ትምህርት ሚኒስቴር ሥርዓተ ጾታ ዳይሬክቶሬት ከደብረ ብርሃን ዩኒቨርሲቲ የሥርዓተ ጾታና ባለ ዘርፈ ብዙ ጉዳዮች ዳይሬክቶሬት ጋር በመተባበር በተፈጥሮ ሳይንስና ምህድስና ትምህርት መስክ ከፍተኛ ውጤት ላስመዘገቡ በደብረ ብርሃን ዩኒቨርሲቲ ከአንደኛ እስከ አምስተኛ አመት ያሉ ሴት ተማሪዎች፣ ድጋፍ ላደረጉላቸው መምህራንን እና አመራሮች የማበረታቻ ሽልማት ሰጠ፡፡ በዩኒቨርሲቲው የመሰብሰቢያ አደራሽ ...

በሙያ ፍቃድ የምዘና ውጤት ትንተናና በመምህራን ትምህርት ኮሌጆች እውቅና አሰጣጥ ስታንዳርዶች ዙሪያ ምክክር መድረክ ተካሄደ

ሀገራችን የሙያ ፍቃድ አሰጣጥና እድሳት ስርዓት በመዘርጋት የመምራን፣ የርዕሰ መምህራንና የሱፐርቫይሮች ሙያዊ ብቃት ምዘና ሂደትን በወጥነት ለመተግበርና በሙያ ፍቃድ አሰጣጥ የአደረጃጀቶችን ሚናና የፈጻሚ ባለድርሻ አካለላትን ተግባርና ኃላፊነት ለይቶ ለማሳወቅና ተጠያቂነትን ለማስፈን የሚየስችል የአሰራር ስርዓት ዘርግታ እየሰራች ትገኛለች፡፡ በሙያ ፍቃድ አሰጣጥ ስርዓት ውስጥ ሶስት የሙያ ፍቃድ አይነቶች አሉ፡፡ እነዚህም፦ አንደኛው የመጀመሪያ ሙያ ፍቃድ ለጀማሪ መምህራንና በትምህርት ተቋማት አመራርነት ሰልጥነው ወደሙያው ለሚገቡ እንዲሁም ለደረጃው የብቃት መመዘኛ ላሟሉ የሚሰጥ ፣ ሁለተኛው ሙሉ የሙያ ፍቃድ፥ ለአምስት አመት የሚያገለግል ሆኖ የመጀመሪያ ሙያ ፍቃድ በማግኘት ሲሠሩ ቆይተው ላጠናቀቁ የሚሰጥ ሲሆን የሦሥተኛው ደግሞ ቋሚ የሙያ ፍቃድ ነው፡፡ ይህ ፍቃድ ሙሉ የሙያ ፍቃድ ከያዙ በኋላ ለደረጃው የሚመጥን አገልግሎት አጠናቀው የሙያ ፍቃድ ብቃት መመዘኛ ላሟሉ መምህራን፣ ለርዕሰ መምህራንና ሱፐርቫይዘሮች የሚሰጥና በየአምስት አመት የሚታደስ ቋሚ የሙያ ፍቃድ ነው፡፡

ትምህርት ሚኒስቴር የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር ውይይት አካሄደ

ሚኒስቴር መሥሪያ ቤቱ ከመንገድ ትራንስፖርት ሚኒስቴር ጋር በመተባበር “ከትራፊክ አደጋ የጸዳ የትራንስፖርት አገልግሎት ለሀገራዊ ህዳሴ“ በሚል ሀገራዊ መሪ ቃል በሀገር ደረጃ የትራፊክ አደጋን ትርጉም ባለው መልኩ ለመቀነስ በሚቻልበት ሁኔታ ላይ ከባለድርሻ አካላት ጋር የምክክር መድረክ ያካሄደው በሚኒስቴር መሥሪያ ቤቱ የመሰብሰቢያ አደራሽ ሚያዝያ 20/2009 ዓ∙ም ነበር። የኢፌዲሪ ትምህርት ሚኒስቴር ሚስትር ዴኤታ የሆኑት የተከበሩ ዶ/ር ጥላዬ ጌቴ መድረኩን በእንኳን ዳህና መጣችሁ ንግግር በከፈቱበት ወቅት እንደተናገሩት የትራፊክ አደጋን ከምንጩ በመቀነስ የህዝባችንን ህይወት፣አካልና ንብረት፤እንዲሁም የሀገሪቱን ሀብት ከጥፋት ለመታደግ መላው ህብረተሰብ በትራፊክ ደህንነት ዙሪያ በባለቤትነት ስሜት እንድንቀሳቀስ ማድረግና ከዚህ አንጻር ዜጎችን በመልካም ሥነ-ምግባር መቅረፅ በአሁኑ ወቅት እጅግ በጣም አንገብጋቢ ጉዳይ መሆኑን ገልጸዋል። በአሁን ወቅት በትምህርት ዘርፉ ውስጥ በተለያዩ የትምህርት እርከኖች ላይ 30 ሚሊዮን የሚጠጉ ተማሪዎች፣ከግማሽ ሚሊዮን በላይ የሚሆኑ መምህራን፣ከተማሪዎች በስተጀርባ ያሉ በርካታ ወላጆችና መደበኛ ባልሆነ የተቀናጀ የጎልማሶች ትምህርት ላይ እየተሳተፉ ያሉ በርካታ ሠልጣኞች እንዳሉ ጠቅሰው ከሌሎች ባለድርሻ አካላት ጋር በሚገባ በመቀናጀት ከዚህ በፊት ሲሠራ ከነበረው ይበልጥ ሥራውን በማስፋትና በማጠናከር ከተሠራ በሀገር ደረጃ መሠረታዊ ለውጥ ማምጣት እንደሚቻል አስገንዝበዋል።

የተፋጠነ የትምህርት ቤት ዝግጁነት የትምህርት አቀራረብ ሥነ-ዘዴ እንደ አንድ የቅድመ መደበኛ ትምህርት ማስፋፊያ አመራጭ ተወስዶ በሀገር አቀፍ ደረጃ እንድተገበር የምመክር አውደ ጥናት ተካሄደ

የትምህርት ቤት መሻሻል ፕሮግራም ዳይሬክቶሬት በቤንሻንጉል ጉሙዝ ብሔራዊ ክልል ከ2007 ዓ.ም ክረምት ጀምሮ ለመጀመሪያ ጊዜ እየተተገበረ ያለውን የተፋጠነ የትምህርት ቤት ዝግጁነት የቅድመ መደበኛ ትምህርት አቀራረብ ውጤታማነትን ለማስተዋወቅና በሀገር አቀፍ ደረጃ ለማስፋት ከአዲስ አበባ ከተማ አስተዳደር ውጪ ከሁሉም ክልሎች፤ ከድሬደዋ ከተማ አስተዳደር፣ ከዩኒሴፍ ኢትዮጵያ እና ከህጻናት አድን ድርጅት እንዲሁም ከትምህርት ሚኒስቴር የተውጣጡ የሥራ ኃላፊዎችና የትምህርት ባለሙያዎች የተሳተፉበት አውደ ጥናት ሚያዚያ 2 እና 3/2009 ዓ.ም በትምህርት ሚኒስቴር የመሰብሰቢያ አደራሽ ተካሄደ። ይህ ፕሮግራም ከአራቱ የቅድመ መደበኛ ትምህርት አሰጣጥ ሥነ-ዘዴ መካከል አንዱ ሲሆን በሦስቱም (መዋዕለ ህጻናት፤ ኦ ክፍልና ህጻን ለህጻን) የቅድመ መደበኛ ትምህርት አሰጣጥ ዘዴ ተጠቅመው ለመደበኛ ትምህርት ቅድመ ዝግጅት ያላደረጉትን እድሜያቸው ስድስት ዓመትና ከዚያ በላይ የሆኑ ህጻናትን በስምንት ሳምንታት ውስጥ ለመደበኛ ትምህርት ዝግጁ ማድረግ ያሚያስችል ፕሮግራም ነው።

Communication and Media Communication and Media

Communication Address:

Tel: +251-11-156-14-94

Fax: