የከፍተኛ ትምህርት ተቋማት ሰላማዊ የመማር ማስተማር ሂደትን ለማስፈንም ሆነ የህዳሴ ጉዟችንን ለማሳካት አዎንታዊ ሚና አላቸው

የከፍተኛ ትምህርት ተቋማት ሰላማዊ የመማር ማስተማር ሂደትን ለማስፈንም ሆነ የህዳሴ ጉዟችንን ለማሳካት አዎንታዊ ሚና አላቸው

Higher Education Preparation

የከፍተኛ ትምህርት ተቋማት 2009 የትምህርት ዘመን በምርምር ፣በመማር ማስተማርና በማህበረሰብ አገልግሎት ከመቼውም ጊዜ የበለጠ የላቀ አፈፃፀም ለማስመዝገብ በቂ ዝግጅት ሊያደርጉ እንደሚገባ የኢፌዴሪ ምክትል ጠቅላይ ሚኒስትር ክቡር አቶ ደመቀ መኮንን ተናገሩ፡፡

ምክትል ጠቅላይ ሚኒስትሩ አቶ ደመቀ መኮንን 2009 . የከፍተኛ ትምህርት ተቋማት የዝግጅት ምዕራፍ ላይ ለመወያየት በተዘጋጀ መድረክ ላይ እንደተናገሩት 2008 . የከፍተኛ ትምህርት ተቋማት ሰላማዊ የመማር ማስተማር ሂደትን ለማስፈንም ሆነ የህዳሴ ጉዟችንን ለማሳካት የሚደረገውን ጥረት በማገዝ ረገድ የተጫወቱት ሚና አዎንታዊ መሆኑን አቶ ደመቀ አስታውቀዋል፡፡

ሰላማዊ የመማር ማስተማር ሂደት ከሌለ ስለ ምርምርና ዕድገት ማሰብ ፈፅሞ የማይቻል ነገር ነው ያሉት አቶ ደመቀ በአገልግሎት አሰጣጥ ፣በመልካም አስተዳደር እንዲሁም በሃብት አጠቃቀም ዙሪያ የከፍተኛ ትምህርት ተቋማትየተጠናከረ ስራ መስራት አለባቸው ብለዋል፡፡

ሀገራችን እያስመዘገበች ያለችው ኢኮኖሚያ ዕድገት ከሚፈልገው የሰለጠነ የሰው ሃይል አኳያ ከፍተኛ ትምህርት ተቋማት ከዚህም በላይ መጠናከር አለባቸው ያሉት // ደመቀ ይህንን በተሟላ ሁኔታ ተግባራዊ ለማድረግ በተለየ ዝግጅት ተጠናክረው መንግስትና ህዝብ የጣለባቸውን ሃላፊነት ለመወጣት የሚያስችላቸው እንቅስቃሴ ውስ ሊገቡ ይገባል ብለዋል፡፡

የኢፌዴሪ ትምህርት ሚኒስትር ክቡር አቶ ሽፈራው ሽጉጤ በበኩላቸው 2009 . የሁሉም ዩኒቨርሲቲዎች የዝግጅት ምዕራፍ በስልጠና እንደሚጀመር ጠቁመው ከዩኒቨርሲቲው አመራር አካላት ጀምሮ እስከ ተማሪዎች ድረስ በስልጠናው እንደሚሳተፉ አስታውቀዋል፡፡

ባለፉት ሁለት ዓመታት ተመሳሳይ ስልጠናዎች መሰጠታቸውን ያስታወቁት አቶ ሽፈራው በዚህም ሰላማዊ የመማር ማስተማር ሁኔታን በማረጋገጥ፣የመልካም አስተዳደር በማስፈን፣የተማሪዎች ውጤት በማሻሻልና ኪራይ ሰብሳቢነትን በመቀነስ ረገድ በቀጣይነት እያደገ የመጣ ለውጥ መኖሩን ተናግረዋል፡፡

2008 . ከሞላ ጎደል በሁሉም ዩኒቨርሲቲዎች ምንም ዓይነት ችግር ሳይከሰት የመማር ማስተማር ሂደቱ መቀጠሉን የተናገሩት አቶ ሽፈራው ችግር ባጋጠመባቸው አንዳንድ ዩኒቨርሲቲዎችም ቢሆን ቦርዱ፣ተማሪውና አጠቃላይ የዩኒቨርሲቲው ማህበረሰብ ተጋግዘውና ተደጋግፈው ችግሮችን በመፍታት የትምህርት ዘመኑ በተረጋጋ ሁኔታ እንዲጠናቀቅ በማድረጋቸው ሊመሰገኑ ይገባል ብለዋል፡፡

ከፍተኛ ትምህርት ተቋማት የትምህርትና ቴክኖሎጂ ሰራዊት ገንብተው የመማር ማስተማር እና የማህበረሰብ ልማት አገልግሎትን በተሟላ ሁኔታ ከመስጠት አንፃር እያደገ የመጣ ጥንካሬ ቢኖራቸውም ወደሚፈለገው ደረጃ ያለመድረሱ በክፍተት የሚጠቀስ መሆኑንም ገልፀዋል፡፡

በትምህርት ሚኒስቴር የከፍተኛ ትምህርት ዘርፍ ሚኒስትር ዴኤታ ዶክተር ካባ ኡርጌሳ እንደተናገሩት የከፍተኛ ትምህርት ተቋማት የትምህርት ጥራትን ከማረጋገጥ ባለፈ አንድ የጋራ የፖለቲካና የኢኮኖሚ ማህበረሰብ ለመገንባት በሚደረገው ጥረት የበኩላቸውን ሚና እንዲወጡ ማዘጋጀት አስፈላጊ መሆኑን ጠቁመዋል፡፡

ለአንድ ቀን በተካሄደው የውይይት መድረክ ላይ የዩኒቨርሲቲ ቦርድ ሰብሳቢዎች፣የዩኒቨርሲቲ ፕሬዚዳንቶችና ምክትል ፕሬዚዳንቶች እንዲሁም ጉዳዩ የሚመለከታቸው ሌሎች አካላት ተገኝተዋል፡፡

Higher Education Preparation


News

የቀጣይ 5 ዓመት የአጠቃላይ ትምህርት ጥራት ማሻሻያ መርሃ-ግብር ይፋ ሆነ

የአጠቃላይ ትምህርት ጥራት ማሻሻያ መርሃ-ግብር "የአጠቃላይ ትምህርት ጥራት ማሻሻያ መርሃ-ግብር ለፍትሃዊነት " በሚል መሪ ቃል ለቀጣዩ 5 ዓመታት የሚተገበር የአጠቃላይ ትምህርት ጥራት ማሻሻያ ፕሮግራም የኢ.ፌ.ዲ.ሪ. ም/ጠቅላይ ሚኒስትር አቶ ደመቀ መኮንን በተገኙበት ይፋ ሆኗል።

አካል ጉዳተኞች እንደየችሎታቸውና እንደየፍላጎታቸው መማር እንደሚገባችዉ ተገለጸ፤

በትምህርት ሚኒስቴር የልዩ ፍላጎትና አካቶ ትምህርት ዳይሬክቶሬት ከሰኔ 04 - 11/2010 ዓ.ም በአካል ጉዳተኞች ትምህርት ስታንዳርድ ረቂቅ ሰነድ ላይ ውይይት አካሄደ፡፡ በውይይቱም ከተለያዩ ክልሎች ለተውጣጡ የአካቶ ትምህርትና የስርዓተ ትምህርት ባለሙያዎች፤ከትምህርት ሚኒስቴር ልዩ ልዩ ክፍሎች እንዲሁም ባለድርሻ አካላት ተሳትፈዋል፡፡

የከፍተኛ ትምህርት ተቋማት መግቢያ ፈተና በሰላም ተጠናቀቀ

የኢ.ፌ.ዴ.ሪ. ትምህርት ሚኒስቴር የ12ኛ ክፍል ብሔራዊ ፈተና በሰላም መጠናቀቁን አስታወቀ፡፡ በሚኒስቴር መ/ቤቱ የአጠቃላይ ትምህርት ዘርፍ ሚኒስትር ዴኤታ ክቡር አቶ መሀመድ አህመዲን የፈተናውን መጠናቀቅ አስመልክቶ ለጋዜጠኞች መግለጫ በሰጡበት ወቅት በፈተናው ሂደት ከቅድመ ዝግጅት ጀምሮ እስከ ፍፃሜው ድረስ በሰከነና በተረጋጋ ሁኔታ እንዲጠናቀቅ የትምህርት ባለድርሻ አካላት፣ መምህራን፣ ተማሪዎች፣ የተማሪ ወላጅ፣ የሚዲያ አካላትና የፀጥታ ኃይል እንዲሁም መላው ህብረተሰብ ከፍተኛ አስተዋፅኦ ማበርከታቸውን ገልጸዋል፡፡ እንደ ሚኒስትሩ ገለፃ በአንዳንድ የመፈተኛ ጣቢያዎች ተንቀሳቃሽ ስልክ ይዘው ክፍል መግባትና ለሌላ ተማሪ ለመፈተን የመሞከር አዝማሚያዎች ቢከሰቱም በየደረጃው በተሰማሩ የፈተናው ግብረ ኃይል አማካይነት ችግሮቹ እልባት ማግኘታቸውንም ጠቁመዋል፡፡

የ2010ዓ.ም የ10ኛ ክፍል ብሔራዊ ፈተና በሠላም ተጠናቀቀ

የ2010ዓ.ም የ10ኛ ክፍል ብሔራዊ ፈተና በሠላም መጠናቀቁን በትምህርት ምዘናና ፈተናዎች ኤጀንሲ ምክትል ዳይሬክተር ዶ/ር ዘርሁን ዱሬሳ ገለጹ፡፡ 1.2 ሚሊዮን የሚሆኑ ተማሪዎች የተፈተኑት እና ከ70ሺህ በላይ የሚሆኑ ፈታኞችና ተቆጣጣሪዎች የተሳተፉበት ፈተና፣ በአንዳንድ ፈተና ጣቢያዎች ላይ ሞባይል ይዘው ክፍል መግባት፣ ለመኮረጅ መሞከር፣ ለሌላ ተማሪ ለመፈተን መሞከር ችግሮች የነበሩ ቢሆንም ጉዳዩ ቀላልና በፈተና ደንብ የሚታይ ይሆናል፣ በአጠቃላይ ግን ፈተናው በታቀደለት ጊዜ በሠላም ተጠናቋል ብለዋል ዶ/ር ዘርሁን፡፡

በአካል ጉዳተኞች መብቶች ጥበቃ ስምምነት አተገባበር ዙሪያ ስልጠና ተሠጠ፤

በሠራተኛና ማህበራዊ ጉዳይ ሚኒስቴር እና በትምህርት ሚኒስቴር የጋራ ትብብር በተባበሩት መንግስታት የአካል ጉዳተኞች መብቶች ጥበቃ ስምምነት አተገባበር ዙሪያ ከፌደራል ተቋማት ለተውጣጡ ባለድርሻ አካላት የተዘጋጀ ስልጠና ከግንቦት 23-ግንቦት 27/2010 ዓ.ም በአዳማ ከተማ በመሰጠት ላይ ነው ፡፡