Skip to Content
Image

4ኛው ሀገር አቀፍ የዩኒቨርሲቲ-ኢንዱስትሪ ትስስር እና የቴክኖሎጂ ሽግግር ጉባኤ በድሬደዋ ከተማ ተካሄደ

4ኛው ሀገር አቀፍ የዩኒቨርሲቲ-እንዱስትሪ ትስስር እና የቴክኖሎጂ ሽግግር ጉባኤ የተካሄደው በትምህርት ሚኒስቴርና GIZ ትብብር እንዲሁም በሀረማያ ዩኒቨርሲቲና በድሬደዋ ዩኒቨርሲቲ አስተናጋጅነት ነበር። የድሬደዋ ዩኒቨርሲቲ ፕሬዝዳንት ዶ/ር ግርማ ጎሮ የእንኳን ደህና መጣችሁ ንግግር ያደረጉ ሲሆን በንግግራቸው ውስጥ የሚከተሉትን መልዕክት አስተላልፈዋል። የከፍተኛ ትምህርት ቋማትና ኢንዱስትሪዎች መካከል ያለው ትብብር በትምህርትና ስልጠና ውስጥ ለክህሎት ማዳበር፣ ለእውቀት ናቴክኖሎጂ ሽግግር እንዲሁም የስራ ፈጠራን ወደ ተሻለ ደረጃ ለማድረስ ወሳኝ መሆኑን በመጥቀስ አሁን ካለው ነባራዊ ሁኔታ አንጻር በሚገባ ከተተገበረ የሰልጣኞች የአቅም ክፍተት ከማጥበብ ባለፈ ለሥራ ዕድል ፈጠራ፣ውጤታማ ምርምር ለማካሄድና አግባብነት ያለው የማህበረሰብ አገልግሎት ለመስጠት አመቺ ሁኔታን የሚፈጥር መሆኑን ገልጸዋል። ዶ/ር ግርማ አክለው በአሁኑ ወቅት ያለውን የዩኒቨርሲቲ- እንዱስትሪ ትስስር የበለጠ መደበኛና ጠንካራ በማድረግ ለሀገር ማበርከት በሚገባው አስተዋጽ ልክ ትኩረት ሰጥቶ በሁለንተናዊ መልኩ ሊሠራበት እንደሚገባ ገልጸዋል።

ተጨማሪ ...

Image

የትምህርትና ሥልጠና ዘርፍ የ2009 በጀት አመት የ6 ወራት የእቅድ አፈጻጸም ግምገማና የምክክር መድረክ ተካሄደ

የ2009 በጀት አመት የ6 ወራት የእቅድ አፈጻጸም ግምገማና የምክክር መድረክ በአማራ ብሔራዊ ክልላዊ መንግሥት አስተናጋጅነት ከጥር 25-27/2009 ዓ.ም በደሴ ከተማ የተካሄደ ሲሆን የአማራ ብሔራዊ ክልላዊ መንግሥት ምክትል ርዕሰ መስተዳደር የተከበሩ አቶ ብናልፍ አንዱአለም በዕለቱ በቦታው በመገኘት የእንኳን ደህና መጣችሁና የመክፈቻ ንግግር ያደረጉ ሲሆን በንግግራቸው ውስጥ የሚከተሉትን መልዕክት አስተላልፈዋል። በክልሉ የሚገኙ ዩኒቨርሲቲዎች ሰላማዊ መማር ማስተማርን ለማስፈን፣በምርምርና ማህበረሰብ አገልግሎት ዙሪያ ከክልሉ መንግሥትና ህዝብ ጋር አብረው ለመሥራት እንዲችሉ የእርስ በርስ መማማሪያና ተሞክሮ መለዋወጫ እድል እንዲኖራቸው ለማስቻል የጋራ ፎረም አቋቁመው በየሩብ አመቱ እየተገናኙ በመሥራት ላይ እንደሚገኙ ጠቅሰው በአሁኑ ወቅት በክልሉ ወቅት የሚታዩ የልማትና የመልካም አስተዳደር ችግሮችን ለመፍታት ጥናትና ምርምር ሊደረግባቸው በሚችሉባቸው ጉዳዮች ዙሪያ ከክልሉ መንግሥት ከፍተኛ አመራሮች ጋር ውይይት እየተካሄደ መሆኑንና በቅርቡም የጋራ የመግባቢያ ሰነድ ይፈራረማሉ ተብለው እንደሚጠበቁ ገልጸዋል። የተከበሩ አቶ ብናልፍ አክለው የቅድመ መደበኛ ትምህርን የማሳደግ፣በተለይ በገጠር አከባቢ ከፍተኛ የሆነውን መጠነ ማቋረጥና የትምህርት ቀናትን የማሳነስ ችግሮች ለመቅረፍ፣የ2ኛ ደረጃ ትምህርት ተደራሽነትን የማሰደግ ሥራ እና በልዩ ፍላጎት ትምህርት ዙሪያ የሚታዩ ዘርፈ ብዙ ችግሮች እንዲቀረፉ በሀገር አቀፍ ደረጃ እጅግ ከፍተኛ ርብርብ መደረግ እንዳለበት ገልጸዋል።

ተጨማሪ ...

Image

ለታዳጊ ክልሎችና አርብቶ አደር አካባቢዎች የትምህርት ረቂቅ ስትራቴጂ ሰነድ ተዘጋጀ

ትምህርት ሚኒስቴር የትምህርት ተሳትፎና ተጠቃሚነት ወደ ላቀ ደረጃ ለማድረስ ከብርትሽ ኳውንስልና ከዩኒሴፍ ጋር በመተባበር ለታዳጊ ክልሎችና ለአርብቶ አደር ህብረተሰብ አኗኗርን መሰረት ያደረገ ሀገር አቀፍ የትምህርት ስትራቴጂ ሰነድ አዘጋጀ፡፡ በታዳጊ ክልሎችና አርብቶ አደር አካባቢ ትምህርት ተሳትፎና ተጠቃሚነት በሚፈለገው ደረጃ ለማሳደግ የህብረተሰቡን አኗኗር መሰረት ያደረገ የትምህርት ስትራቴጂ ረቂቅ ዝግጅት ለማሻሻልና ለማዳበር ባለድርሻና አጋር አካላትን ያሳተፈ የውይይት መድረክ ተደርጓል፡፡ በዚህም መድረክ ለሰነዱ ማዳበር ግብዓት የሚሆኑ አስተያየቶች ተሰባስበዋል፡፡ በሚኒስቴር መስሪያ ቤቱ የልዩ ድጋፍና አካቶ ትምህርት ዳይሬክቶሬት ዳይሬክተር አቶ መሐመድ አቡበከር ምክክር መድረኩን በንግግር በከፈቱበት ወቅት አንደተናገሩት መድረኩ ታዳጊ ክልሎችና አርብቶ አደር አካባቢዎችን የትምህርት ተሳትፎና ተጠቃሚነት በሚፈለው ደረጃ ለማሳደግ ስትራቴጂ ሰነዱ የበለጠ ለማዳበርና የመጨረሻ ቅርጽ ለማስያዝ ከባለድርሻ አካላት ጋር በመሆን ግብዓት ለማሰባሰብ ያለመ መሆኑን ተናግረዋል፡፡

ተጨማሪ ...

Image

የከፍተኛ ትምህርት ተቋማት የለውጥ ምክር ቤት ጉባኤ በወሎ ዩኒቨርሲቲ አስተናጋጅነት በደሴ ከተማ ተካሄደ

የከፍተኛ ትምህርት ተቋማት የተቋማዊ ለውጥ ምክር ቤት ጉባኤ ጥር 23 እና 24 2009 ዓ∙ም በደሴ ከተማ አማራ ክልል ተካሄደ፡፡ ጉባኤውን ያዘጋጀው የወሎ ዩኒቨርሲቲ አስተዳደር ቦርድ ሰብሳቢ ክቡር አቶ ወርቅነህ መኮንን የእንኳን ደህና መጣችሁ ንግግር ያደረጉ ሲሆን በንግግራቸው ውስጥ የሚከተሉትን መልዕክት አስተላልፈዋል። ዩኒቨርሲቲውን ከተቋቋመ ጀምሮ እስከ አሁን የ2ኛ ጀነሬሽን ዩኒቨርሲቲ አንደመሆኑ መጠን በቆይታው አቻዎቹን ካገጠሙት አይነት በርካታ ችግሮች በተጨማሪ በተለየ መልኩ ጋና ከጅምሩ የአመራር አለመረጋጋት ችግሮች ያገጠሙት መሆኑንና ከቅርብ አመታት ወዲህ እነዚህን ችግሮች በሙሉ ፈቶ ዘሬ ድህነትን ለማስወገድ በሚደረገው ትግል ውስጥ በአስተሳሰቡና በእውቀቱ የበቃ የሰው ኃይል ከማሰልጠን ጎን ለጎን ከደሴ ከተማ፣ ከደቡብ ወሎና ከኦሮሞ ብሔረሰብ ዞኖች ጋር በመቀናጀት በጋራ እቅድ የሚመራ የምርምርና ማህበረሰብ አገልግሎት ሥራ እየተከናወነ መሆኑንና እስከ አሁን የተገኙ ውጤቶችም በህብረተሰቡ ዘንድ ከፍተኛ ይሁንታን ማስገኘታቸውን ጠቅሰው ነገር ግን መጠንን በማሳደግና ፍጥነትን ከመጨመር አንጻር ከፍተኛ ትኩረት ሰጥተው መስራት እንዳለባቸው ገልጸዋል። ክቡር አቶ ወርቅነህ አክለው የሀገራችን ከፍተኛ ትምህርት ተቋማት በየጊዜው የመጨመርና የሚጠይቀውን የመምራት አቅም ለማሟላት የዚህ የለውጥ ምክር ቤት መድረክ ፋይዳ ትልቅ በመሆኑ ተቋማት በሀገራችን በሁለንተናዊ መልክ የሚገለጸውን ድህነት ማስወገድ ብቻ ሳይሆን ዘመኑ የፈጠራቸውን ፍላጎቶች ለማሟላት ይችሉ ዘንድ የተቋማቱ ማህበረሰብ የፈርጀ ብዙ እውቀትና ክህሎት ስብስብ እንደመሆናቸው መጠን ባላቸው አቅም ከመተግበር ጎን ለጎን የጎደላቸውን እርስ በርስ እየተማማሩ እየሞሉ እንዲሄዱ በማድረግ ረገድ ይህ መድረክ ትልቅ መሳሪያ እንደሆነ ያላቸውን እምነት ገልጸዋል።

ተጨማሪ ...

Image

11ኛው ሃገራዊ የሴቶች ትምህርትና ስልጠና ፎረም ተካሄደ

ሴቶችን በሃገራዊ ጉዳይ ላይ እንዲሳተፉና ብሎም ተጠቃሚ እንዲሆኑ ለማስቻል ያለመ አገር አቀፍ የሴቶች ትምህርት ፎረም ጉባኤ በአማራ ብሄራዊ ክልላዊ መንግስት በደቡብ ወሎ ዞን ደሴ ከተማ "የሴቶች ትምህርትና ተሳትፎ፣ተጠቃሚነትና ውጤታማነት ለሃገር እድገት ወሳኝ ነው"በሚል መሪ ቃል ጥር 22 ቀን 2009 ዓ∙ም ተካሄደ ጉባኤውን በንግግር የከፈቱት የትምህርት ሚኒስቴር ሚኒስትር ክቡር ዶ/ር ሽፈራው ተክለማርያም እንደተናገሩት በቁጥርና በአቅም ከፍተኛውን ድርሻ የያዙትን ሴቶች ያላካተተ የሃገር እድገት ጉዞ ሙሉ አይሆንም ያሉት ሚኒስትሩ የአንድ ሃገር ኢኮኖሚያዊ፣ ማህበራዊና ፖለቲካዊ ጉዞ የሴቶች ተሳትፎ ወሳኝ ብቻ ሳይሆን ሌላ አማራጭም እንደሌለው ገልፀዋል። ሴቶች በኢትዮዽያ ልማት ላይ ያላቸውን ተሳትፎና ተጠቃሚነት ለማስጠበቅና ለማሳደግ በፖሊሲ የታገዘ ስራ እየተሰራ መሆኑን እና ሴቶችን በለውጥ እንቅስቃሴ ውስጥ ከወንድሞቻቸው ጋር በመሰለፍ የልማቱ ተሳታፊና ተጠቃሚ እንዲሆኑ በማድረግ ላይ መንግስት ሰፊ ቁርጠኝነትን ያሳየ ሲሆን ይህም በተጨባጭ በፖሊሲዎችና በህጎች ከህገመንግስታችን ጀምሮ ተደንግገዋል ብለዋል።

ተጨማሪ ...

Image

የአጠቃላይ ትምህርት ዘርፍ የ2009 በጀት አመት የ6 ወራት እቅድ አፈጻፀም ግምገማ በኮምቦልቻ ከተማ ተካሄደ

የአጠቃላይ ትምህርት ዘርፍ መደበኛና መደበኛ ባልሆነ የትምህርት አሰጣጥ የሚካሄድ ሲሆን ፣ ቅድመ መደበኛ ትምህርትን ፣ የመጀመሪያ ደረጃና ሁለተኛ ደረጃ ትምህርትን እንዲሁም የጎልማሶች ትምህርትን ያጠቃልላል፡፡ በኢፌዴሪ ትምህርት ሚኒስቴር የአጠቃላይ ትምህርት ዘርፍ ሚኒስትር ዴኤታ ክቡር ዶክተር ጥላዬ ጌቴ እንደገለጹት የግምገማ መድረኩ የ2008 በጀት አመት የእቅድ አፈጻጸም ግምገማን መሠረት በመድረግ በተካሄደው 26ኛው የትምህርትና ስልጠና ጉባኤና በአጠቃላይ ትምህርት ዘርፍ የህዝብ ንቅናቄ መድረክ ላይ የተነሱ የውይይት ነጥቦችና ውሳኔዎችን መነሻ በማድረግ በተያዘው የመጀመሪያ ግማሽ አመት በዘርፉ የተከናወኑ ስራዎችን ለመገምገምና በእቅድ አፈጻፀም ሂደት ያጋጠሙ ችግሮችን በመለየት ቅድሚያ ትኩረት ለሚሹ ጉዳዮች የመፍትሄ አቅጣጫ ለመጠቆም ያለመ መሆኑን ተናግረዋል፡፡ ክቡር ዶ/ር ጥላዬ አክለውም የአጠቃላይ ትምህርት ስራዎችን በአግባቡ ለማሳለጥና የሚጠበቀውን ውጤት ለማስመዝገብ በሁሉም ክልሎች ለናሙናነት በተመረጡ ዞኖች፣ ወረዳና ትምህርት ቤቶች በሶስት ቡድን የመስክ ጉብኝት ስራ የተከናወነ መሆኑን ጠቁመዋል፡፡

ተጨማሪ ...

ማስታወቂያዎች ማስታወቂያዎች

ለ2009 ለአዲሱ የህክምና ስርአት ትምህርት /NIMEI/ አመልካቾች በሙሉ - ሕዳር 19/2009 ዓ.ም

የፌዴራል ትምህርት ሚኒስቴር ከጤና ጥበቃ ሚኒስቴር ጋር በመተባበር የህክምና ዶክተሮችን ማሰልጠን የሚያስችል አዲስ ስርዓተ ትምህርት በመቅረጽ ተግባራዊ የማድረግ ስራ ሲሰራ መቆየቱ ይታወሳል፡፡

 

በተዘጋጀው ስርዓተ ትምህርት መሰረትም በተመረጡ 10 ዩኒቨርሲቲዎችና 3 ሆስፒታሎች የህክምና ዶክተሮችን ለስድስተኛ ጊዜ ተቀብሎ ለማሰልጠን ዝግጅቱን አጠናቋል፡፡  ስለሆነም ከዚህ በታች የተቀመጡትን መስፈርቶች የሚያሟሉ አመልካቾች በቀረበው ዝርዝር መሰረት በየምዝገባ ቦታዎች እንድትመዘገቡ እናሳስባለን፡፡

 

የአመልካቾች የምልመላ መስፈርትና ተዛማጅ ቅጾችን ከዚህ በታች ባለው ሊነክ ላይ ማግኝት የምትችሉ መሆኑን እንገልጻለን፡፡ 

 

ተጨማሪ ...

ለ2008 የትምህርት ዘመን ዕጩ ረዳት ምሩቃን በሙሉ

05/13/2008 ዓ.ም

ለ2008 የትምህርት ዘመን ዕጩ ረዳት ምሩቃን በሙሉ

የኢ.ፌ.ዲ.ሪ የትምህርት ሚኒስቴር ከ2008 የትምህርት ዘመን ተመራቂዎች መካከል ጥሩ ውጤታ ያላቸውን ተመራቂዎች መካከል የብቃት መመዘኛ በመፈተን አዲስ ለሚገነቡት 11 ዩኒቨርሲቲዎች ለመመደብ ፈተና መሰጠቱ ይታወሳል፡፡ የብቃት መመዘኛ ፈተናውን ተፈትናችሁ ተፈትናችሁ የማለፊያውን ነጥብ በማምጣት ያለፋችሁ እንኳን ደስ ያላችሁ እንላለን፡፡

በቀጣይ የምትማሩትን የትምህርት መስክ፣ የምትሰለጥኑበትን ዩኒቨርሲቲና ተመርቃችሁ ስትወጡ የምትሰሩበትን ዩኒቨርሲቲ ምደባ መስከረም 10/2009 ዓ.ም ስለሚከናወን በተጠቀሰው እለት

ተጨማሪ ...

የብሔራዊ ጉባኤ ውሳኔዎች በአካታች ትምህርት ላይ 2008, አዲስ አበባ

The Ministry of Education (MoE) and the Regional Educational Bureaus (REBs) will work cooperatively with all stakeholders to reach the target set in the ESDP V programme including:

  • 75% of children with SEN enrolled in primary schools
  • 800 RCs will be established
  • 24 % will have SNE teachers

ተጨማሪ ...

የአጠቃላይ ትምህርት ዘርፍ የአጠቃላይ ትምህርት ዘርፍ

ባለፉት ዓመታት እንደ ሀገር የተመዘገቡትን ውጤቶቻችን ቀጣይነት ለማረጋገጥና የበለጠ ውጤት በማስመዝገብ ሀገራችንን መካከለኛ ገቢ ካላቸው ሀገሮች ተርታ ለማሰለፍ የመጀመሪያው የዕድገትና ትራንስፎርሜሽን ዕቅድ ትግበራ ተጠናቆ በሁለተኛው የዕድገትና ትራንስፎርሜሽን ዕቅድ የሁለተኛ አመት ላይ እንገኛለን፡፡ እተመዘገበ ያለውን ፈጣን ልማት ዘላቂነት ባለው መልኩ ለማስቀጠል እና አገራዊ ራዕያችንን እውን ለማድረግ ብቁ የሰው ኃይል በማፍራት ረገድ የትምህርት ሴክተሩ የማይተካ ድርሻ እንዳለው በሃገር ደረጃ ግንዛቤ የተያዘበት ጉዳይ ነው። ከዚህም በላይ  የሰው ሀብታችንን አቅም ለማሳደግ፣ ፍትሕ፣ ዴሞክራሲና መልካም አስተዳደር በአስተማማኝ የሰፈነባትን ሀገር ለመገንባት የተያያዝነውን ጉዞ ስኬታማ


አጠቃላይ ትምህርት ላይ ተጨማሪ...  

የከፍተኛ ትምህርት ዘርፍ የከፍተኛ ትምህርት ዘርፍ

የከፍተኛ ትምህርት ግብ በተለያዩ መስኮች ተገቢው ዕውቀት፣ ክህሎትና አመለካከት ያላቸው ተወዳዳሪ፣ ተመራቂዎችን ማፍራት፣ በማህበረሰብ ፍላጎትና በሀገር ዕድገት ተመስርቶ የእውቀትና የቴክኖሎጂ ሽግግር ማምጣት የሚችል ጥናትና ምርምር ማካሄድ፣ በትምህርትና ጥናትና ምርምር በምክንያት፣ በዲሞክራሲ፣ በብዙሃን ባህልና እሴቶች በመመስረት የነጻነት መርሆችን ማለትም የአመለካከትና የሀሳብ ልውውጥን ማሳደግ ነው፡፡

የከፍተኛ ትምህርት ዓላማና ተግባራት፡ የፖሊሲው ዓላማ የከፍተኛ ትምህርትን መጠንና ጥራት ማሳደግ ነው፡፡ ዩኒቭርስቲዎችን በማስፋፋትና በማጠናከር ተማሪዎችን..


ከፍተኛ ትምህርት ላይ ተጨማሪ...

የቴ/ሙ/ት/ስ/ ዘርፍ የቴ/ሙ/ት/ስ/ ዘርፍ

የቴክኒክና ሙያ ትምህርትና ስልጠና ግብ በፍላጎት የሚመራ ጥራት ያለው የቴክኒክና ሙያ ትምህርትና ስልጠና በፍላጎት በሚመራ የቴክኖሎጂ ሽግግር...


የቴ/ሙ/ት/ስ/ ዘርፍ ላይ ተጨማሪ...